တောင်ကိုရီးယားအပေါ် မြောက်ကိုရီးယား၏ စိတ်ဓာတ်စစ်ဆင်ရေး အသံချဲ့စက်များကို နယ်စပ်တစ်လျှောက်လုံးတွင် စတင်လည်ပတ်မည်

ပြုံယမ်း၊ အောက်တိုဘာ ၂၂ ရက် (ဆင်ဟွာ)

တောင်ကိုရီးယားအပေါ် စိတ်ဓာတ်စစ်ဆင်ရေး အသံချဲ့စက်များကို ယခုလအတွင်း နယ်စပ်တစ်လျှောက်လုံးတွင် စတင်လည်ပတ်မည်ဖြစ်ကြောင်း မြောက်ကိုရီးယားနိုင်ငံ အလုပ်သမားပါတီ ဗဟိုကော်မတီ၏ ဌာနညွှန်ကြားရေးမှူး ကင်ယိုဂျွန်က အောက်တိုဘာ ၂၁ ရက် မိန့်ခွန်းပြောကြားရာ၌ ပြောကြားခဲ့သည်ဟု မြောက်ကိုရီးယား ဗဟိုသတင်းအေဂျင်စီ (KCNA) ၏ ထိုနေ့ သတင်းဖော်ပြချက်အရ သိရသည်။

ကင်ယိုဂျွန်က အောက်တိုဘာ ၂၁ ရက်တွင် မြောက်ကိုရီးယားကာကွယ်ရေးဝန်ကြီးဌာန အကြံပေး Pak Jong-chon နှင့်အတူ ကိုရီးယားနှစ်နိုင်ငံ နယ်စပ်ရှိ ခံတပ်တည်ဆောက်ရေးလုပ်ငန်းခွင်၏ အဓိကနေရာများကို ကြည့်ရှုစစ်ဆေးခဲ့သည်။ ကိုရီးယားနှစ်နိုင်ငံနယ်စပ်တွင် ခံတပ်သည် ဖြည်းဖြည်းချင်း ခိုင်မာလာလျက်ရှိပြီး မြောက်ကိုရီးယား၏ လုံခြုံရေးသည် အာမခံချက်ရှိသည့်အရည်အသွေး ရရှိလာပြီဖြစ်ကြောင်း ကင်ယိုဂျွန်က ပြောကြားခဲ့သည်။

ထို့အပြင် တောင်ကိုရီးယားဘက်သည် အောက်တိုဘာ ၂၁ ရက်တွင် အနည်းဆုံး နေရာနှစ်ခုတွင် အသံချဲ့စက်ဖြင့် ရန်စသော ထုတ်လွှင့်မှုနှင့် သတိပေး ပစ်ခတ်မှုများ ပြုလုပ်ခဲ့ကြောင်း၊ မြောက်ကိုရီးယား၏ ဗျူဟာမြောက် အမဲလိုက်အဖွဲ့များသည် စခန်းအသစ်များကို သိမ်းပိုက်ထားပြီးဖြစ်ပြီး တောင်ကိုရီးယားအပေါ် စိတ်ဓာတ်စစ်ဆင်ရေး အသံချဲ့စက်များကို ယခုလအတွင်း နယ်စပ်တစ်လျှောက်လုံးတွင် စတင်လည်ပတ်မည်ဖြစ်ကြောင်းလည်း ကင်ယိုဂျွန်က ပြောကြားခဲ့သည်။

အကယ်၍ ရန်သူ၏ သတိပေးပစ်ခတ်မှုကြောင့် မြောက်ကိုရီးယားနိုင်ငံ၏ နယ်မြေလုံခြုံရေးနှင့် အရာရှိစစ်သည်များ၏ ကိုယ်ရေးလုံခြုံရေးကို အမှန်တကယ် အန္တရာယ်ဖြစ်စေသည့်အကျိုးဆက်များ ဖြစ်ပေါ်လာပါက မြောက်ကိုရီးယားနယ်စပ် အရာရှိစစ်သည်များသည် တစ်စုံတစ်ရာ နှောင့်နှေးတွန့်ဆုတ်နေခြင်းမရှိဘဲ တုံ့ပြန်မည်ဖြစ်ကြောင်း ကင်ယိုဂျွန်က အလေးအနက် ပြောကြားခဲ့သည်။ (Xinhua)

.........................

(Chinese Version)

朝鲜对韩心理战扩音器将在边境全线投入运行

新华社平壤10月21日电（记者王天僚）据朝中社21日报道，朝鲜劳动党中央委员会部长金与正当天发表谈话说，对韩国心理战扩音器本月将在边境全线投入运行。  

金与正21日和朝鲜国防省顾问朴正天一同视察朝韩边境要塞化工地主要地点。金与正说，朝韩边境正逐步要塞化，朝鲜安全正得到质的保障。  

金与正还说，韩方21日至少在两个地点进行了扩音器挑衅广播和警告射击。朝鲜的战术猎人组已占据新阵地，对韩心理战扩音器本月将在边境全线投入运行。  

金与正强调，如果敌人的警告射击造成实际危及朝鲜领土安全、官兵人身安全的后果，那么朝鲜边境官兵将毫不留情予以回应。（完）

图说：2016年1月8日，在韩国京畿道涟川郡中部战线，韩国军方开启对朝扩音器广播。（图片来源：新华社/纽西斯通讯社）