အမေရိကန်စစ်တပ်က B-1 ဗုံးကြဲလေယာဉ်အားလုံးကို ဗြိတိန်လေတပ်စခန်းမှ ရုပ်သိမ်းလိုက်ပြီဖြစ်ကြောင်း အမေရိကန်မီဒီယာ ဖော်ပြ

ဝါရှင်တန်၊ အောက်တိုဘာ ၅ ရက် (ဆင်ဟွာ)

အမေရိကန်စစ်တပ်သည် B-1 ဗုံးကြဲလေယာဉ်အားလုံးကို ဗြိတိန်တော်ဝင်လေတပ် Fairford စခန်းမှ ရုပ်သိမ်းလိုက်ပြီဖြစ်ကြောင်း အမေရိကန် The  Wall Street Journal က အောက်တိုဘာ ၄ ရက်တွင် သတင်းထုတ်ပြန်ခဲ့သည်။ အဆိုပါဆုံးဖြတ်ချက်သည် လုံခြုံရေးဆိုင်ရာ ထည့်သွင်းစဉ်းစားမှုကြောင့်ဖြစ်ပြီး အထူးသဖြင့်အဆိုပါ လေတပ်စခန်းသည် အကြမ်းဖက်တိုက်ခိုက်မှုများအတွက်ပစ်မှတ် ဖြစ်လာမည်ကို စိုးရိမ်သောကြောင့် ဖြစ်ကြောင်း အမေရိကန် အစိုးရအရာရှိက ဆိုသည်။

လေတပ်စခန်းတွင် ဖြန့်ကြက်ထားသော အမေရိကန်စစ်တပ် ဗုံးကြဲလေယာဉ် အားလုံးကို အမေရိကန် ပြည်တွင်းလေတပ်စခန်းများ၌ ပြန်လည် ဖြန့်ကြက်နေရာချထားပြီးဖြစ်ကြောင်းနှင့် အမေရိကန်ပြည်တွင်းမှ တိုက်ခိုက်မှုလုပ်ဆောင်ရန် အချိန်မရွေး အသင့်ပြင်ထားကြောင်း အ‌မေရိကန်ကာကွယ်ရေးဝန်ကြီးဌာန၏ ကြေညာချက်တစ်ခုကို ကိုးကား၍ အဆိုပါသတင်းတွင် ဖော်ပြထားသည်။

အမေရိကန်စစ်တပ်က အီရန်အပေါ် အကြီးစား လေကြောင်းတိုက်ခိုက်မှု လုပ်ဆောင်ချိန်တွင် Fairford လေတပ်စခန်းမှ B-1 နှင့် B-52 ဗုံးကြဲလေယာဉ်များဖြင့် အီရန်အား တိုက်ခိုက်ခဲ့ဖူးကြောင်း၊ အကြမ်းဖက်မှုများ ဆက်လက် ဖြစ်ပွားလာသည်နှင့်အမျှ အမေရိကန်စစ်တပ် B-52 ဗုံးကြဲလေယာဉ်များကို အဆိုပါစခန်းမှ ရုပ်သိမ်းခဲ့ပြီး အချို့သော B-1 ဗုံးကြဲလေယာဉ်များလည်း အမေရိကန်သို့ ပြန်လည်ပို့ဆောင်ခဲ့ပြီးဖြစ်ကြောင်း၊ အဆိုပါစခန်း၌လက်ကျန် B-1 ဗုံးကြဲလေယာဉ် တစ်ဒါဇင်ကျော် ရှိခဲ့ရာမှ လေကြောင်းခရီးစဉ် ခြေရာခံစောင့်ကြည့်မှုအရ ယခုသီတင်းပတ်တွင် Fairford လေတပ်စခန်းမှ အဆိုပါ B-1 ဗုံးကြဲလေယာဉ်များ ပြန်လည်ထွက်ခွာသွားခဲ့ကြောင်း သတင်းက ဆိုထားသည်။

ဗြိတိန်နိုင်ငံ၏အကြမ်းဖက်မှု တိုက်ဖျက်ရေးရဲတပ်ဖွဲ့သည် စက်တင်ဘာ ၂၇ ရက်က Fairford လေတပ်စခန်းအနီးတွင် "အကြမ်းဖက်တိုက်ခိုက်မှု ပြုလုပ်ရန်" ကြံစည်သည်ဟု သံသယရှိသူ အမျိုးသား ၅ ဦးကို ဖမ်းဆီးခဲ့သည်။ ဗြိတိန်ဝန်ကြီးချုပ် အင်ဒီ ဘာနမ်က Fairford လေတပ်စခန်းကို ပစ်မှတ်ထားသည့် သံသယဖြစ်ဖွယ် လုပ်ရပ်များတွင် အီရန် ပါဝင်ပတ်သက်နေသည်ဟု ဖော်ပြသည့် "ခိုင်မာသော အထောက်အထားများ" ရှိကြောင်း  စက်တင်ဘာ ၃၀ ရက်တွင် ပြောကြားခဲ့သည်။ အီရန်ဘက်က ဘာနမ်၏ ပြောဆိုချက်ကို ပယ်ချခဲ့ပြီး ယင်းဖြစ်ရပ်နှင့် မည်သို့မျှ သက်ဆိုင်ခြင်းမရှိကြောင်း ငြင်းဆိုခဲ့သည်။ (Xinhua)

---------------------

(Chinese Version)

美媒：美军已将所有B-1轰炸机撤出英国空军基地

新华社华盛顿10月4日电（记者黄强 徐剑梅）据美国《华尔街日报》4日报道，美军已将所有B-1轰炸机撤出英国皇家空军费尔福德基地。美国官员表示，这一决定出于安全考虑，担心该基地可能成为恐怖袭击的目标。  

报道援引美国防部的一份声明说，所有部署在费尔福德基地的美军轰炸机均已重新部署回美国本土基地，仍随时准备从美国本土出动发起攻击。  

报道说，美军对伊朗发动大规模空袭时，曾使用费尔福德基地出动B-1和B-52轰炸机打击伊朗。随着战事延续，美军B-52轰炸机撤离该基地，部分B-1轰炸机也返回美国，但仍有十几架B-1轰炸机留在该基地。航班追踪监测显示，本周末有B-1轰炸机飞离费尔福德基地。  

英国反恐警察处9月27日在费尔福德基地附近逮捕5名涉嫌策划“恐怖袭击”的男子。英国首相伯纳姆30日称，有“强烈迹象”表明，伊朗涉嫌参与针对费尔福德基地的可疑活动。伊朗方面驳斥伯纳姆的说法，否认与该事件有关。（完）

图说：In this file photo taken on March 1, 2011, visitors view a U.S. Air Force B-1 bomber on the opening day of the Australian International Airshow and Aerospace and Defence Expo in Melbourne. (Xinhua/AFP)