ရီယိုဒီဂျနေးရိုး၊ စက်တင်ဘာ ၁၅ ရက် (ဆင်ဟွာ)
ဘရာဇီးလိဂ် အမှတ်ပေးဇယားတွင် ဦးဆောင်နေသည့် ဖလာမင်ဂိုအသင်းသည် စက်တင်ဘာ ၁၃ ရက်က ယှဉ်ပြိုင်ကစားခဲ့သော ဘရာဇီးစီးရီးအေပွဲစဉ်တွင် ဘရူနိုဟင်နရစ်ချ်၏ ပွဲပြီးခါနီးသွင်းယူခဲ့သောဂိုးကြောင့် ကိုရင်သီယန်စ်အသင်းကို အိမ်ကွင်းတွင် ၂-၁ ဂိုးရလဒ်ဖြင့် အနိုင်ရရှိခဲ့သည်။
တစ်ဖက်အသင်း၏ ဖျက်ထုတ်ရာမှ လမ်းချော်လာသောဘောလုံးကို Lucas Paqueta က ထိန်းယူ၍ ဂိုးတိုင်အပေါ်ဘက်ဆီသို့ အပြင်းကန်သွင်းကာ ကိုရင်သီယန်စ်အသင်းဘက်မှ အဖွင့်ဂိုး စတင်ရယူခဲ့သည်။
ညာတောင်ပံမှ Kaio Cesar ၏ ဖြတ်တင်ပေးပို့လိုက်သောဘောလုံးကို ဆယ်ကျော်သက်ကစားသမား Guilherme က အနီးကပ်လျှောထိုးသွင်းကာ ဖလာမင်ဂိုအသင်း ချေပဂိုး ပြန်လည်ရယူနိုင်ခဲ့သည်။
ပွဲကစားချိန် ၈၉ မိနစ်အရောက်တွင်မူ Joaquin Freitas ဖြတ်တင်ပေးလိုက်သောဘောလုံးကို ဂိုးဧရိယာ ခြောက်ကိုက်စည်းအစပ်မှ Henrique က အားပြင်းသောခေါင်းတိုက်ချက်ဖြင့် သွင်းယူခဲ့ရာ ဖလာမင်ဂိုအသင်း ဦးဆောင်ဂိုး ပြန်လည်ရရှိခဲ့သည်။
မာရာကာနာကွင်းတွင် ရရှိခဲ့သည့်ရလဒ်ကြောင့် ဖလာမင်ဂိုအသင်းသည် ၅၇ မှတ်ရရှိကာ ဒုတိယနေရာမှ ပါလ်မီးရက်စ်အသင်းထက် ၁ မှတ် အသာဖြင့် အမှတ်ပေးဇယား ထိပ်ဆုံးနေရာကို ဆက်လက်ထိန်းသိမ်းထားသည်။ ကိုရင်သီယန်စ်အသင်းမှာ အဆင့် ၁၃ နေရာတွင်ရောက်ရှိနေပြီး ဖလာမင်ဂိုထက် ၂၅ မှတ် လျော့နည်းလျက်ရှိသည်။
စက်တင်ဘာ ၁၃ ရက်က ယှဉ်ပြိုင်ကစားခဲ့သော အခြား ဘရာဇီးထိပ်တန်းလိဂ်ပွဲစဉ်တွင် မီရာဆောလ်အသင်းသည် ပွဲကစားချိန် ၉၁ မိနစ်အရောက် အက်ဒ်ဆန်ကာရီအိုကာ၏ချေပဂိုးကြောင့် ဗစ်တိုးရီးယားအသင်းကို အိမ်ကွင်းတွင် ၂-၂ ဂိုး သရေ ရလဒ် ခက်ခက်ခဲခဲရရှိခဲ့သည်။ (Xinhua)
......................
(English Version)
Flamengo edges Corinthians to stay top in Brazil
RIO DE JANEIRO, Sept. 13 (Xinhua) -- Bruno Henrique scored late as leader Flamengo clinched a 2-1 home win over Corinthians in Brazil's Serie A on Sunday.
Lucas Paqueta opened the scoring by taking a touch to control an errant clearance before rifling a shot into the roof of the net.
Teenager Guilherme slid home a close-range equalizer following Kaio Cesar's delivery from the right flank.
Flamengo restored its lead in the 89th minute when Henrique latched on to Joaquin Freitas' cross with a thumping header from the edge of the six-yard box.
The result at the Maracana leaves Flamengo with 57 points, a point clear of second-placed Palmeiras, while Corinthians is 13th, 25 points further back.
Elsewhere in Brazil's top flight on Sunday, Edson Carioca scored a 91st-minute equalizer as Mirassol salvaged a 2-2 home draw with Vitoria.
Photo caption: Pedro (L) of Flamengo vies with Carlos Gilberto of Corinthians during the final of the Copa do Brasil 2022 in Rio de Janeiro, Brazil, Oct. 19, 2022. (Xinhua/Wang Tiancong)
