ပြင်သစ်နိုင်ငံတစ်ဝန်း ထပ်မံဖြစ်ပွားခဲ့သည့် ဆန္ဒပြပွဲများအတွင်း လူပေါင်း ၄၁၀,၀၀၀ ခန့် ပါဝင်
ပြင်သစ်နိုင်ငံတစ်ဝန်း အောက်တိုဘာ ၂၄ ရက်က ထပ်မံဖြစ်ပွားခဲ့သည့် ဆန္ဒပြပွဲများတွင် လူပေါင်း ၄၁၀,၀၀၀ ခန့် ပါဝင်ခဲ့သည်ဟု ပြင်သစ်ပြည်ထဲရေးဝန်ကြီးဌာန၏ ထုတ်ပြန်ချက်ကို ကိုးကား၍ ပြင်သစ်သတင်းဌာန BFM TV က ဖော်ပြခဲ့သည်။
ပဲရစ်မြို့တွင် ပြုလုပ်သည့် ဆန္ဒပြပွဲများတွင် လူပေါင်း ၁၁၀,၀၀၀ ပါဝင်ခဲ့ကြောင်း နယ်မြေခံရဲဌာနက ခန့်မှန်းထားသည်။ ထို့ပြင် Cours de Vincennes လမ်းမပေါ်တွင် အဓိကရုဏ်းဆန္ဒပြသူ ၅၀၀ ကျော်က လုံခြုံရေးတပ်ဖွဲ့ဝင်များကို ရန်ပြုတိုက်ခိုက်ခဲ့ကြသည်။
သို့သော် အထွေထွေအလုပ်သမားသမဂ္ဂများအဖွဲ့ချုပ် (CGT) ကမူ ပဲရစ်မြို့မှ လူပေါင်း ၂၅၀,၀၀၀ အပါအဝင် တစ်နိုင်ငံလုံးအတိုင်းအတာအားဖြင့် ဆန္ဒပြသူဦးရေ ၈၀၀,၀၀၀ နီးပါး ရှိကြောင်း ပြောကြားထားသည်ဟု BFM TV ၏ ဖော်ပြချက်အရ သိရသည်။
ပေါ်တူဂီနိုင်ငံတစ်ဝန်း အိမ်ရာအခွင့်အရေး ဆန္ဒပြပွဲများအတွင်း လူထောင်ပေါင်းများစွာ လမ်းပေါ်ထွက်ဆန္ဒပြမှုများ တစ်ကျော့ပြန်ဖြစ်ပွား
အိမ်ရာအကျပ်အတည်း ဖြေရှင်းနိုင်ရေးအတွက် အရေးပေါ်အစီအမံများ ကျင့်သုံးရန် ပေါ်တူဂီအစိုးရအား အရပ်ဘက်အဖွဲ့အစည်းများက ဖိအားပေးမှုများ ဆက်လက်ပြုလုပ်နေစဉ် သီတင်းပတ် သုံးပတ်နီးပါးကြာ ဖြစ်ပွားနေသော အိမ်ရာအခွင့်အရေး ဆန္ဒပြပွဲများ၏ လတ်တလော ဆန္ဒပြလှုပ်ရှားမှုအဖြစ် အောက်တိုဘာ ၂၄ ရက်က လစ္စဘွန်း၊ ပေါ်တိုနှင့် ကွမ်ဘရာ စသည့် မြို့များတွင် လူထောင်ပေါင်းများစွာ ချီတက်ဆန္ဒပြခဲ့ကြသည်။
လစ္စဘွန်းမြို့ရှိ အာဗန်နီဒါ ဒါ လီဘာဒါဒေး လမ်းမတစ်လျှောက်၌ ဆန္ဒပြသူများက သီချင်းဖွင့်ထားသည့် အမိုးအကာမဲ့ ထရပ်ကားတစ်စီးနောက်တွင် စုဝေးခဲ့ကြပြီး ဆန္ဒပြသူဦးရေ များပြားလာသည်နှင့်အမျှ ရဲတပ်ဖွဲ့က ယာဉ်ကြောပိတ်ဆို့မှုများ ပြုလုပ်ခဲ့သည်။
ဆန္ဒပြသူများက "အိမ်ရာအဆောက်အအုံသည် ရပိုင်ခွင့်တစ်ခုဖြစ်ပြီး နေအိမ်များသည် ရှင်သန်နေထိုင်ရန်အတွက်ဖြစ်သည်" "နေထိုင်စရာအိမ် လိုအပ်နေသူများကို ဦးစားပေးပါ" ဟူသော စာတန်းများကို ကိုင်ဆောင်ခဲ့ကြသည်။
ဟူသီအဖွဲ့နှင့် ဆော်ဒီဦးဆောင်သည့် ညွန့်ပေါင်းတပ်ဖွဲ့တို့ အပြန်အလှန်တိုက်ခိုက်မှုများ အပြင်းအထန်ဖြစ်ပွား
ယီမင်နိုင်ငံရှိ ဟူသီအဖွဲ့နှင့် ဆော်ဒီအာရေဗျနိုင်ငံ ဦးဆောင်သည့် ညွန့်ပေါင်းတပ်ဖွဲ့တို့အကြား အောက်တိုဘာ ၂၄ ရက်က ပြင်းထန်သည့် အပြန်အလှန်တိုက်ခိုက်မှုများ ဖြစ်ပွားခဲ့ပြီး ဟူသီအဖွဲ့က ဆော်ဒီနိုင်ငံတစ်ဝန်း ဒုံးကျည်များ၊ ဒရုန်းများဖြင့် ကျယ်ကျယ်ပြန့်ပြန့် တိုက်ခိုက်ခဲ့သည်ဟု အခိုင်အမာပြောဆိုခဲ့သလို ညွန့်ပေါင်းတပ်ဖွဲ့ကလည်း ယီမင်ရှိ ဟူသီတို့ ထိန်းချုပ်ထားသော နယ်မြေများကို လေကြောင်းမှ အပြင်းအထန်တိုက်ခိုက်ခဲ့ရာ လူထိခိုက်သေဆုံးမှု အများအပြားဖြစ်ပွားခဲ့သည်။
ဆော်ဒီနိုင်ငံရှိ ရီယတ်၊ ယန်ဘူ၊ ရာဘစ်၊ ဒမ်မမ်၊ နာဂျရန်နှင့် ခါမစ် မူရှာအစ်မြို့များရှိ လေဆိပ်များ၊ ရေနံလုပ်ငန်းဆိုင်ရာ အဆောက်အအုံများနှင့် စစ်အခြေစိုက်စခန်းတစ်ခုတို့ကို ပစ်မှတ်ထား၍ ဒုံးကျည်နှင့် ဒရုန်းများဖြင့် တိုက်ခိုက်မှု ၇ ကြိမ် ပြုလုပ်ခဲ့ကြောင်း ဟူသီအဖွဲ့ စစ်ဘက်ဆိုင်ရာပြောရေးဆိုခွင့်ရှိသူ ယာယာ ဆာရီယာက ကြေညာချက်ထုတ်ပြန်ခဲ့သည်။
ထိုအတောအတွင်း ဆော်ဒီဦးဆောင်သည့် ညွန့်ပေါင်းတပ်ဖွဲ့က ရီယတ်၊ တာအစ်ဖ်နှင့် ယန်ဘူမြို့များသို့ ဦးတည်ပစ်ခတ်ခဲ့သော ဟူသီအဖွဲ့၏ ဒုံးကျည်များနှင့် အရှေ့ပိုင်းပြည်နယ်သို့ ပစ်ခတ်လိုက်သည့် ဒရုန်းတစ်စင်းတို့ကို ကြားဖြတ်ဟန့်တား ဖျက်ဆီးနိုင်ခဲ့ကြောင်း ထုတ်ပြန်ကြေညာခဲ့သည်။
ယူကရိန်းအနေဖြင့် စစ်မျက်နှာများတစ်လျှောက် တိုက်ပွဲများရပ်ဆိုင်းထားရန် အသင့်ရှိဟု ဇယ်လန်းစကီး ဆို
ပဋိပက္ခကို လျင်မြန်စွာအဆုံးသတ်နိုင်ရေးအတွက် လက်ရှိစစ်မျက်နှာများတစ်လျှောက် တိုက်ပွဲများ ရပ်ဆိုင်းထားရန် ယူကရိန်းနိုင်ငံက ပြင်ဆင်ထားကြောင်း၊ သို့သော် နယ်မြေစွန့်လွှတ်ရမည်ကိုမူ ပြတ်ပြတ်သားသား ပယ်ချကြောင်း ယူကရိန်းသမ္မတ ဗိုလိုဒီမာ ဇယ်လန်းစကီးက ပြောကြားခဲ့သည်။
အောက်တိုဘာ ၂၃ ရက်က ABC News နှင့် ပြုလုပ်ခဲ့သည့် အင်တာဗျူးတစ်ခု၌ ဇယ်လန်းစကီးက အပစ်အခတ်ရပ်စဲရေး သဘောတူညီချက် ရယူရန် ဆန္ဒရှိကြောင်း ထုတ်ဖော်ပြောဆိုခဲ့သော်လည်း ယူကရိန်း၏ နယ်မြေ ၂၅ ရာခိုင်နှုန်းကို စွန့်လွှတ်ရမည်ဆိုသော အဆိုပြုချက်များကိုမူ ပယ်ချခဲ့သည်။
ထို့ပြင် မကြာမီက အမေရိကန်၏ စစ်ရေးအကူအညီများ လျော့နည်းသွားသည့်အပေါ် စိတ်ပျက်မိကြောင်း ဇယ်လန်းစကီးက ပြောကြားခဲ့ပြီး လွန်ခဲ့သည့် သုံးလအတွင်း အမေရိကန်ထံမှ ပက်ထရီယော့ လေကြောင်းရန်ကာကွယ်ရေးစနစ်အတွက် ဒုံးခွင်းဒုံး ၂၄ စင်းသာ လက်ခံရရှိခဲ့ကြောင်း၊ ယင်းသည် တစ်လလျှင် ပျမ်းမျှလိုအပ်သည့် အစင်းရေ ၃၅၀ ထက် အလွန်ပင်လျော့နည်းနေကြောင်း ထည့်သွင်းပြောဆိုခဲ့သည်။ အောက်တိုဘာ ၂၂ ရက် တစ်ညတည်းမှာပင် ကိဗ်မြို့မှာ ပဲ့ထိန်းဒုံးကျည် အစင်း ၃၀ ထိမှန်ခဲ့သည်ဟု ၎င်းက ပြောဆိုလျက် အရေးတကြီးအခြေအနေ ရောက်ရှိနေသည်ကို မီးမောင်းထိုးပြခဲ့သည်။
အစ္စရေးစစ်တပ်က ဟီဘရွန်မြို့တွင် ပါလက်စတိုင်း မိသားစုများကို နေအိမ်များမှ အတင်းအကျပ် ရွှေ့ပြောင်းခဲ့
အနောက်ဘက်ကမ်းဒေသ တောင်ပိုင်းရှိ ဟီဘရွန်မြို့တွင် စစ်ဆင်ရေးတစ်ရပ် စတင်ပြုလုပ်မည်ဟု ကြေညာအပြီး နာရီပိုင်းအကြာ အောက်တိုဘာ ၂၄ ရက်၌ အစ္စရေးတပ်ဖွဲ့ဝင်များက ပါလက်စတိုင်းမိသားစု ဒါဇင်ပေါင်းများစွာအား ၎င်းတို့၏နေအိမ်များမှ အတင်းအကျပ် ထွက်ခွာစေခဲ့ကြောင်း သိရသည်။
အစ္စရေးတပ်ဖွဲ့ဝင် အများအပြားသည် အယ်လ်ဂျယ်ဒါနှင့် ဒီယာဘာဟာ ဒေသများသို့ ဝင်ရောက်စီးနင်းကာ ဝိုင်းပတ်ပိတ်ဆို့ထားပြီးနောက် ဒေသခံများအား နေအိမ်များမှ ထွက်ခွာကြရန် ညွှန်ကြားခဲ့ကြောင်း ပါလက်စတိုင်း လုံခြုံရေးနှင့် ဒေသခံသတင်းအရင်းအမြစ်များက ဆင်ဟွာသို့ ပြောကြားခဲ့သည်။
အစ္စရေးစစ်တပ်က အသံချဲ့စက်များဖြင့် ထွက်ခွာရန် ညွှန်ကြားခဲ့ပြီး ထွက်ခွာရမည့် လမ်းကြောင်းသုံးခုကို သတ်မှတ်ပေးခဲ့ကြောင်း၊ ဒေသခံများအနေဖြင့် ထွက်ခွာခွင့်မရရှိမီ ရှာဖွေစစ်ဆေးမှုများနှင့် လုံခြုံရေးအရ စစ်ဆေးမေးမြန်းမှုများ ခံယူခဲ့ရကြောင်း သတင်းရင်းမြစ်များက ဆိုသည်။
ဂျော်ဒန်နိုင်ငံ ကာရတ်ခ်ဒေသ၌ ဘုရားကျောင်း တိုက်ခိုက်ခံရမှုကြောင့် သေဆုံးသူ ၉ ဦးရှိလာ
ဂျော်ဒန်နိုင်ငံ တောင်ပိုင်း ကာရတ်ခ်ဒေသရှိ ဘုရားကျောင်းတစ်ခုကို ပစ်မှတ်ထားသည့် အကြမ်းဖက်တိုက်ခိုက်မှုအတွင်း ဒဏ်ရာရရှိခဲ့သူနှစ်ဦး ထပ်မံသေဆုံးသွားပြီးနောက် အောက်တိုဘာ ၂၄ ရက်၌ သေဆုံးသူ ၉ ဦးအထိ မြင့်တက်လာခဲ့ကာ ဂျော်ဒန်ဘုရင် အဗ္ဗဒူလာ-၂ က ယင်းဖြစ်ရပ်အား ပြင်းထန်စွာ တုံ့ပြန်သွားမည်ဟု ကတိပြုခဲ့သည်။
စိုးရိမ်ရသည့် အခြေအနေတွင် ရှိနေသော ဒဏ်ရာရရှိသူ နှစ်ဦးသည် ပရင့်စ်အလီ စစ်ဆေးရုံ၌ ကွယ်လွန်သွားခဲ့ခြင်းဖြစ်ကြောင်း ဂျော်ဒန် ပြည်သူ့လုံခြုံရေးဌာနက ကြေညာချက်ထုတ်ပြန်ခဲ့သည်။
ယင်းနေ့အစောပိုင်းက ဂျော်ဒန်ဘုရင် အဗ္ဗဒူလာ-၂ က အမျိုးသားလုံခြုံရေးကောင်စီ အစည်းအဝေးကို သဘာပတိအဖြစ် ဦးဆောင်ကျင်းပခဲ့ပြီး အဆိုပါတိုက်ခိုက်မှုကို ရှုတ်ချခဲ့ကာ ဂျော်ဒန်ပြည်သူများ၏ အသက်အိုးအိမ်ကို ထိပါးလာပါက လုံးဝသက်ညှာမည်မဟုတ်ဟု ပြောကြားခဲ့သည်။
အီရန်အား တိုက်ခိုက်မှုများ ထပ်မံပြုလုပ်ဖွယ်ရှိကြောင်း ထရမ့် အရိပ်အမြွက်ပြော၊ အမေရိကန်အနေဖြင့် တစ်နိုင်ငံလုံးကိုပင် သိမ်းယူနိုင်ဟု ဆို
အမေရိကန်နိုင်ငံအနေဖြင့် အီရန်နိုင်ငံ၏ ရေနံအားလုံးကို ထိန်းချုပ်ရယူနိုင်ရုံမျှမက တစ်နိုင်ငံလုံးကိုပင် သိမ်းပိုက်နိုင်သည်ဟု အမေရိကန်သမ္မတ ဒေါ်နယ်ထရမ့်က အောက်တိုဘာ ၂၃ ရက်၌ ပြောကြားခဲ့ပြီး အီရန်အား စစ်ရေးတိုက်ခိုက်မှုအသစ်များ ပြန်လည်ပြုလုပ်ဖွယ်ရှိသည့် အလားအလာကို အရိပ်အမြွက်ပြောဆိုခဲ့သည်။
"အီရန်ဟာ အခုချိန်မှာ ဘာမှသိပ်မလုပ်နိုင်တော့ပါဘူး။ ကျွန်တော်တို့သာ ဆန္ဒရှိရင် ရေနံအားလုံးကို သိမ်းပိုက်လိုက်လို့ရပါတယ်" ဟု ဖလော်ရီဒါပြည်နယ်၌ ပြုလုပ်သော လူထုတွေ့ဆုံပွဲတစ်ခုသို့ သွားရောက်ရန် အိမ်ဖြူတော်မှ ထွက်ခွာစဉ် သတင်းထောက်များကို ပြောကြားခဲ့သည်။ "ကျွန်တော်တို့ တစ်နိုင်ငံလုံးကိုတောင် သိမ်းယူလို့ရတယ်" ဟုလည်း ၎င်းက ဆိုသည်။
အီရန်နှင့် ပဋိပက္ခမှာ နောက်ထပ်တစ်နှစ်ခန့် ကြာမြင့်နိုင်သည်ဟူသော ကုလသမဂ္ဂဆိုင်ရာ အမေရိကန် သံအမတ်ကြီး မိုက်ဝေါ့ဇ်၏ ပြောကြားချက်နှင့် ပတ်သက်၍ မေးမြန်းရာတွင် ထရမ့်က "ကျွန်တော်တို့ ဒါကို မြန်မြန်ဆန်ဆန် အဆုံးသတ်လိုက်လို့ရပါတယ်။ မေးစရာရှိတာက 'ကျွန်တော်တို့ အပြီးသတ် ချေမှုန်းပစ်ချင်သလား ဒါမှမဟုတ် ဒီအတိုင်း တဖြည်းဖြည်းနဲ့ အင်အားဆုတ်ယုတ် ပျက်စီးသွားအောင် လုပ်ချင်သလားဆိုတာပါပဲ" ဟု ပြန်လည်ဖြေကြားခဲ့သည်။ (Xinhua)
………………………….
(English Version)
Daily World Briefing, Oct. 25
Around 410,000 people take part in new round of protests across France
Around 410,000 people took part in a new round of protests across France on Saturday, French news channel BFM TV reported, citing the Interior Ministry.
In Paris, the police prefecture estimated that 110,000 people had taken part in the demonstrations. Meanwhile, more than 500 rioters attacked law enforcement officers on Cours de Vincennes.
However, the General Confederation of Labour (CGT) put the nationwide turnout at nearly 800,000, including 250,000 in Paris, according to BFM TV.
Thousands return to streets across Portugal in housing protests
Thousands of people marched in Lisbon, Porto and Coimbra on Saturday in the latest round of housing rights protests that have now been ongoing for nearly three weeks, as civic movements maintained pressure on the government to adopt emergency measures to address the housing crisis.
In Lisbon, demonstrators gathered along Avenida da Liberdade behind a flatbed truck playing music, with police closing traffic as the crowd swelled.
Banners read "Housing is a right, homes are for living" and "Let through those who want a home to live in."
Houthis, Saudi-led coalition exchange heavy strikes
Yemen's Houthi group and the Saudi-led coalition exchanged heavy attacks on Saturday, as the Houthis claimed widespread missile and drone strikes across Saudi Arabia, while intense Saudi-led airstrikes rocked Houthi-held areas in Yemen, causing multiple casualties.
Houthi military spokesman Yahya Sarea said in a statement that the group launched seven missile and drone attacks targeting airports, oil facilities, and a military base in the Saudi cities of Riyadh, Yanbu, Rabigh, Dammam, Najran and Khamis Mushait.
Meanwhile, the Saudi-led coalition announced it had intercepted and destroyed several missiles launched by the Houthi group toward the cities of Riyadh, Taif and Yanbu, as well as a drone in the Eastern Province.
Zelensky says Ukraine ready to freeze front lines
Ukrainian President Volodymyr Zelensky said Ukraine was prepared to freeze combat operations along the existing frontlines to bring a swift end to the conflict, while firmly rejecting territorial concessions.
In an interview with ABC News on Friday, Zelensky expressed willingness to reach a ceasefire deal but rejected proposals to give up 25 percent of Ukrainian territory.
Zelensky also expressed regret over the recent decline in U.S. military assistance, saying Ukraine had received only 24 interceptor missiles for its Patriot air defense systems from the United States over the past three months, far below its average monthly requirement of 350. He underscored the urgency of the situation, saying 30 ballistic missiles struck Kiev on Thursday night alone.
Israeli army forces Palestinian families to evacuate homes in Hebron
Israeli forces forced dozens of Palestinian families to evacuate their homes in Hebron in the southern West Bank on Saturday, hours after announcing the launch of a military operation in the area.
Palestinian security and local sources told Xinhua that large numbers of Israeli troops stormed the Al-Jalda and Deir Baha areas, surrounded them, and ordered residents to leave their homes.
They said the troops used loudspeakers to issue evacuation orders and designated three exit points. Residents were subjected to searches and security interrogations before being allowed to leave.
Death toll from Karak church attack in Jordan rises to 9
The death toll from a terrorist attack targeting a church in Jordan's southern Karak Governorate rose to nine on Saturday, after two injured victims died of their wounds, as King Abdullah II vowed a firm response to the incident.
The two people in critical condition succumbed to their injuries at Prince Ali Military Hospital, Jordan Public Security Directorate said in a statement.
Earlier in the day, Jordan's King Abdullah II chaired a National Security Council meeting, during which he condemned the attack, saying there would be no leniency when it comes to the lives of Jordanians.
Trump floats new Iran strikes, says U.S. could take "whole country"
U.S. President Donald Trump on Friday raised the prospect of renewed military strikes against Iran, claiming that the United States could seize all of the country's oil or even take over the entire country.
"Iran is not able to do much now. And we could, if we wanted to, just take all of the oil," Trump told reporters as he left the White House for a rally in Florida. "We could take the whole country."
Asked about U.S. Ambassador to the United Nations Mike Waltz saying the conflict with Iran could drag on for another year, Trump said: "We could end it very quickly ... The question is, 'Do we want to finish it off or do we just want to let it wither?'"
