ကိုလံဘို၊ အောက်တိုဘာ ၂၄ ရက် (ဆင်ဟွာ)
သီရိလင်္ကာနိုင်ငံတွင် ဆင်များကိုကာကွယ်စောင့်ရှောက်မှု ပိုမိုအားကောင်းလာရန်နှင့် လူနှင့်ဆင်များအကြားဖြစ်ပွားနေသည့် ပဋိပက္ခများကို ဖြေရှင်းဆောင်ရွက်နိုင်ရန် တောရိုင်းတိရစ္ဆာန်ကာကွယ်စောင့်ရှောက်မှုဆိုင်ရာ အာဏာပိုင်များနှင့်စစ်တပ်တို့ ပူးတွဲလုပ်ဆောင်မည့်စင်တာတစ်ခုကိုတည်ထောင်သွားမည်ဖြစ်ကြောင်း သီရိလင်္ကာနိုင်ငံ၏ သဘာဝပတ်ဝန်းကျင်ထိန်းသိမ်းရေးဝန်ကြီးဌာနက ကြေညာချက် ထုတ်ပြန်လိုက်သည်။
အဆိုပါစင်တာကို စစ်တပ်ဌာနချုပ်တွင်အခြေစိုက်မည်ဖြစ်ပြီး တောရိုင်းတိရစ္ဆာန်ကာကွယ်စောင့်ရှောက်မှုဆိုင်ရာတာဝန်ရှိသူများ၊ တိရစ္ဆာန်ဆေးကုဆရာဝန်များနှင့် လက်နက်ကိုင်တပ်ဖွဲ့ ၃ ခုမှ ပုဂ္ဂိုလ်များပါဝင်သည့် စင်တာအဖြစ် ဖွဲ့စည်းသွားမည်ဖြစ်သည်။
အလားတူ အာဏာပိုင်များက အန္တရာယ်ကျရောက်နိုင်ခြေမြင့်မားသောဒေသများသို့ စစ်ဘက်ဆိုင်ရာအထူးတပ်ဖွဲ့များကို စေလွှတ်နေရာချထားမည်ဖြစ်ကာ အန္တရာယ်နှင့်ရင်ဆိုင်နေရသည့်ဆင်များကို စောင့်ကြည့်စစ်ဆေးခြင်းနှင့် ၎င်းတို့သွားလာလှုပ်ရှားသည့်လမ်းကြောင်းများကို ခြေရာခံမှုများ ပြုလုပ်သွားမည်ဖြစ်သည်။
ယခုအစီအစဥ်အရ ဆင်များသတ်ဖြတ်ခံရခြင်းကို တားဆီးရန်၊ ဒေသတွင်း၌ "hakka patas"ဟု သိရှိခေါ်ဆိုကြသည့် ပေါက်ကွဲစေတတ်သည့်ပစ္စည်းများ ထည့်သွင်းထားသောအစာ အသုံးပြုခြင်းကို တားမြစ်ရန်၊ အခြားသောတောရိုင်းတိရိစ္ဆာန်ဆိုင်ရာ ပြစ်မှုများကိုနှိမ်နင်းရန် ရည်ရွယ်ထားကာ ပူးပေါင်းစီးနင်းရှာဖွေမှုများကိုလည်း အရှိန်အဟုန်ဖြင့် လုပ်ဆောင်မည်ဖြစ်သည်။ (Xinhua)
.............................
(English Version)
Sri Lanka to set up joint wildlife-military center to protect elephants
COLOMBO, Oct. 24 (Xinhua)
Sri Lanka will establish a joint operations center involving wildlife authorities and the armed forces to strengthen elephant protection and address human-elephant conflict, the country's Ministry of Environment has announced.
The center will be based at Army Headquarters and will include wildlife officers, veterinarians and personnel from the three armed forces.
Authorities also plan to deploy special military teams in high-risk areas to monitor elephants considered vulnerable and track their movement routes.
The initiative will also focus on preventing elephant killings, the use of explosive bait known locally as "hakka patas," and other wildlife crimes through intensified joint raids. ■
Wild elephants walk along a road in Dambulla, Sri Lanka, Feb. 8, 2026.(Photo by Thilina Kaluthotage/Xinhua)
