ဗီယင်ကျန်း၊ စက်တင်ဘာ ၂၉ ရက် (ဆင်ဟွာ)
ဒေသစံတော်ချိန် စက်တင်ဘာ ၂၈ ရက် နံနက် ၈ နာရီတွင် အမှတ် C95 ရထားတွဲသည် လာအိုနိုင်ငံ ဘိုတန်ဘူတာမှ တည်ငြိမ်စွာ ထွက်ခွာသွားခဲ့ရာ တရုတ်-လာအို ရထားလမ်း၏ လာအိုပိုင်း ဘိုတန်-ဗီယင်ကျန်း မြို့ချင်းပြေးဆွဲသည့် ရထားဝန်ဆောင်မှု (intercity train service) ပထမဆုံးအကြိမ် အောင်မြင်စွာ စတင်ပြေးဆွဲခြင်း အမှတ်သင်္ကေတပင်ဖြစ်သည်။
အသစ်ဖွင့်လှစ်ပြေးဆွဲသော အမှတ် C95/C96 မြို့ချင်းပြေးဆွဲသည့်ရထားတွဲသည် ဘိုတန်နှင့် ဗီယင်ကျန်းကြားတွင် ထိရောက်မှုမြင့်မားပြီး အဆင်ပြေသော နေ့စဉ်သွားလာနိုင်သည့် လမ်းကြောင်းကို ဖန်တီးပေးကြောင်း တရုတ်-လာအို ရထားလမ်း လာအိုပိုင်းကို တာဝန်ယူလည်ပတ်နေသော လာအို-တရုတ် ရထားလမ်းကုမ္ပဏီလီမိတက်၏ မိတ်ဆက်ပြောကြားမှုအရ သိရသည်။ ၎င်းတို့အနက် အမှတ် C95 ရထားတွဲသည် ထိုနေ့ နံနက် ၈ နာရီတွင် ဘိုတန် ဘူတာမှ စတင်ထွက်ခွာပြီး ၁၁ နာရီ ၄၇ မိနစ်တွင် ဗီယင်ကျန်းဘူတာသို့ ရောက်ရှိခဲ့သည်။ အမှတ် C96 ရထားတွဲသည် ထိုနေ့ မွန်းလွဲ ၂ နာရီ ၀၅ မိနစ်တွင် ဗီယင်ကျန်းဘူတာမှ ထွက်ခွာပြီး ညနေ ၆ နာရီ ၃၂ မိနစ်တွင် ဘိုတန် ဘူတာသို့ ပြန်လည်ဆက်ရောက်သည်။ ရထားသည် ဘိုတန် ဘူတာ၊ Nateuy ဘူတာ၊ Muang Xay ဘူတာ၊ လွမ်ပရာဘန်ဘူတာ၊ Vang Vieng ဘူတာနှင့် ဗီယင်ကျန်းဘူတာ စုစုပေါင်း ဘူတာ ၆ ခုတွင် ရပ်နားသည်။ မြောက်ပိုင်းပြည်နယ်များမှ ပြည်သူများသည် ဗီယင်ကျန်းမြို့သို့ နေ့စဉ်သွားလာမှု၊ စီးပွားရေးကိစ္စ သို့မဟုတ် ဆွေမျိုးမိတ်ဆွေများထံ သွားရောက်လည်ပတ်မှုတို့အတွက် နေ့ချင်းပြန် သွားပြန်နိုင်ပြီဖြစ်သည်။
ဤမြို့ချင်းပြေးဆွဲသည့် ရထားဝန်ဆောင်မှုကို ဖွင့်လှစ်ခြင်းသည် တရုတ်-လာအို ရထားလမ်း လာအိုပိုင်း၏ ခရီးသည်ပို့ဆောင်ရေးကွန်ရက်ကို တစ်ဆင့်တိုးပြည့်စုံစေပြီး လာအိုပြည်သူများ၏ သွားလာမှုရွေးချယ်စရာများကို ကြွယ်ဝစေကာ လမ်းကြောင်းတစ်လျှောက် ယဉ်ကျေးမှုနှင့် ခရီးသွားလုပ်ငန်း ဖွံ့ဖြိုးတိုးတက်မှုကို အထောက်အကူပြုသလို တရုတ်-လာအို စီးပွားရေးစင်္ကြံတည်ဆောက်မှုနှင့် “ရပ်ဝန်းနှင့် ပိုးလမ်းမ” အတူတကွ တည်ဆောက်မှုအတွက် ပိုမိုခိုင်ခံ့သော သယ်ယူပို့ဆောင်ရေးအထောက်အပံ့ကို ပံ့ပိုးပေးမည်ဖြစ်ကြောင်း လာအို-တရုတ် ရထားလမ်းကုမ္ပဏီလီမိတက်က ပြောကြားခဲ့သည်။ (Xinhua)
………………………
(Chinese Version)
中老铁路磨丁至万象城际列车首发
新华社万象9月28日电（记者赵旭）当地时间28日早上8点，C95次列车平稳驶出老挝磨丁站，标志着中老铁路老挝段磨丁至万象城际列车顺利首发。
据负责中老铁路老挝段运营的老中铁路有限公司介绍，全新开行的C95/C96次城际列车搭建起磨丁与万象间高效便捷的通勤线路。其中，C95次列车当日8时从磨丁站始发，11时47分抵达万象站；C96次列车当日14时05分从万象站发车，18时32分返回磨丁站。列车停靠磨丁站、纳堆站、孟赛站、琅勃拉邦站、万荣站、万象站6个车站。北部省份民众出行万象通勤、商务、探亲可实现当日往返。
老中铁路有限公司表示，该城际列车的开行将进一步完善中老铁路老挝段客运网络，丰富老挝民众出行选择，助力沿线文旅产业发展，为中老经济走廊建设、共建“一带一路”提供更加坚实的交通支撑。（完）
图说1：这是9月28日在老挝磨丁站拍摄的停靠在站台上的C95次列车。新华社发（王玉萍摄）
图说2：9月28日，在老挝磨丁站，安保和乘务员迎接乘客。新华社发（王玉萍摄）
