ထျန်းကျင်း၊ အောက်တိုဘာ ၂၂ ရက် (ဆင်ဟွာ)
ဆောင်းဦးရာသီ အငွေ့အသက်များ ကြိုင်လှိုင်လာသည်နှင့်အမျှ ဆောင်းခိုငှက်များ တောင်ဘက်သို့ ရွှေ့ပြောင်းပျံသန်းမှုမှာ အထွတ်အထိပ်ကာလသို့ ရောက်ရှိလာပြီဖြစ်သည်။ ရွှေ့ပြောင်းလာကြသည့် ငှက်အုပ်ကြီးများမှာ တရုတ်နိုင်ငံ ပေကျင်း-ထျန်ကျင်းဒေသ အကြီးဆုံး သဘာဝစိမ့်မြေအရပ်ဖြစ်သော ထျန်ကျင်းမြို့၊ နင်းဟဲခရိုင်ရှိ ချီးလီဟိုင် စိမ့်မြေအရပ်သို့ အလုံးအရင်းဖြင့် ရောက်ရှိလာကြသည်။
ယနေ့အထိ ဤစိမ့်မြေအရပ်တွင် စောင့်ကြည့်လေ့လာထားသည့် မှတ်တမ်းတင်အရ ဖြတ်သန်းသွားလာသော ငှက်ကောင်ရေ စုစုပေါင်းမှာ ၅၀,၀၀၀ ကျော် ရှိပြီဖြစ်သည်။ ထိုသို့ဆောင်းခိုငှက်အုပ်ကြီးများ နှစ်စဉ်အချိန်မှန် ပြန်လည်ရောက်ရှိလာခြင်းမှာ ဤစိမ့်မြေအရပ်၏ ဂေဟစနစ် ထိန်းသိမ်းကာကွယ်ရေးလုပ်ငန်းများမှ ထင်ရှားသော ရလဒ်များရရှိနေကြောင်းကို ဖော်ပြနေသည့် အထင်ရှားဆုံးသက်သေပင်ဖြစ်သည်။ (Xinhua)
