နန်ချန်း၊ စက်တင်ဘာ ၇ ရက် (ဆင်ဟွာ)
ရထားသည် ရေ့ကျင်း ဘူတာမှ ထွက်ခွာလာပြီး နိမ့်ချည်မြင့်ချည် တည်ရှိနေသော တောင်ကုန်းများကြား ဖြတ်သန်းမောင်းနှင်လာစဉ် အသက် ၆၇ နှစ်အရွယ် လျိုရင်သည် ပြတင်းပေါက်ကိုမှီလျက် ၎င်းငယ်စဉ်ကတည်းက အကျွမ်းတဝင်ရှိခဲ့သော တေးသွားတစ်ပုဒ်ကို ခပ်တိုးတိုးလေး သီဆိုနေသည်။ ထိုတေးသွားသည် လွန်ခဲ့သော နှစ် ၉၀ ကျော်က ခေတ်သစ်တရုတ်နိုင်ငံကို ပုံဖော်ပေးခဲ့သည့် သမိုင်းဝင် ခရီးရှည်ချီတက်ပွဲကြီး၏ အနှစ်သာရကို အောက်မေ့သတိရစေသော တေးသွားဖြစ်သည်။
၎င်း၏အဘိုးဖြစ်သူ လျိုကျင်းချန်မှာ ၁၉၃၄ ခုနှစ် အောက်တိုဘာလတွင် ခရီးရှည်ချီတက်ပွဲကြီး စတင်ခဲ့သည့် ဗဟိုတပ်နီတော်မှ စစ်သည် ၈၆,၀၀၀ ကျော်ထဲတွင် ပါဝင်ခဲ့သူဖြစ်သည်။ ၎င်းမှာ ဘယ်သောအခါမှ ပြန်ရောက်မလာတော့ပေ။
စက်တင်ဘာ ၆ ရက် နံနက်ပိုင်းတွင် မြန်နှုန်းမြင့်ရထား G3998 သည် တရုတ်နိုင်ငံ အရှေ့ပိုင်း ကျန်းရှီးပြည်နယ်ရှိ ရေ့ကျင်းမြို့မှ ထွက်ခွာလာပြီး နိုင်ငံအနောက်မြောက်ပိုင်း ဆန်ရှီးပြည်နယ် ယန်အန်းမြို့သို့ ဦးတည်ခရီးနှင်ခဲ့ရာ ယင်းသည် တော်လှန်ရေးဆိုင်ရာ အလေးအမြတ်ထားရာ မြို့နှစ်မြို့ကို မြန်နှုန်းမြင့်ရထားလမ်းဖြင့် ပထမဆုံးအကြိမ် ချိတ်ဆက်လိုက်ခြင်းဖြစ်သည်။ ယခင်က အကြိမ်ကြိမ် ရထားပြောင်းစီးရင်း ၂၂ နာရီအထိ ကြာမြင့်ခဲ့သည့် ခရီးစဉ်မှာ ယခုဆိုလျှင် ၁,၈၅၇ ကီလိုမီတာရှည်လျားသော လမ်းကြောင်းအတိုင်း ၁၁ နာရီခန့်သာ ကြာမြင့်တော့သည်။
လျိုမှာ ၎င်း၏အဘိုးကို မြင်တွေ့ဖူးခြင်းမရှိသော်လည်း အဘိုးဖြစ်သူ၏ ခြေရာများကို ပြန်လည်ခြေရာကောက်ရင်း နှစ်ပေါင်းများစွာ အချိန်ကုန်ဆုံးခဲ့သည်။ ၂၀၁၄ ခုနှစ်တွင် တရုတ်နိုင်ငံ တောင်ပိုင်း ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသရှိ အောက်မေ့ဖွယ်အထိမ်းအမှတ် ဥယျာဉ်တစ်ခုသို့ သွားရောက်လည်ပတ်စဉ် ကျန်းရှီးပြည်နယ် ယွီတူးခရိုင်ရှိ ၎င်း၏မွေးရပ်မြေမှ ကျဆုံးစစ်သည် ၁,၀၀၀ ကျော်၏ အမည်စာရင်းထဲတွင် အဘိုးဖြစ်သူ၏ အမည်ကို တွေ့ရှိခဲ့ရာ ၎င်းအနေဖြင့် မျက်ရည်ဖြိုင်ဖြိုင် ကျခဲ့ရသည်။
"ကျွန်မအဘိုးက ရေ့ကျင်း ကနေ ခရီးစထွက်ခဲ့ပေမဲ့ ယန်အန်းကို လုံးဝမရောက်ခဲ့ဘူး။ ဒီနေ့ ကျွန်မက သူ မြောက်ဘက်ကို ချီတက်ခဲ့တဲ့ လမ်းကြောင်းအတိုင်းထွက်ခွာပြီး သူ မပြီးမြောက်ခဲ့တဲ့ ခရီးကို အဆုံးသတ်ပေးရင်း သူ မရောက်ခဲ့တဲ့ ယန်အန်းကို သွားလေ့လာမှာပါ" ဟု လျိုက ပြောသည်။
ခြေလျင်မှ ရထားလမ်းဆီသို့
ရေ့ကျင်းနှင့် ယန်အန်းသည် တရုတ်တော်လှန်ရေးသမိုင်းတွင် အထင်ကရ မှတ်တိုင်များဖြစ်သည်။ တရုတ်နိုင်ငံ အရှေ့ပိုင်းနှင့် အနောက်မြောက်ပိုင်းတွင် အသီးသီးတည်ရှိကာ တစ်ဖြောင့်တည်းအကွာအဝေး ကီလိုမီတာ ၁,၃၀၀ ကျော် ကွာဝေးသော်လည်း ခရီးရှည်ချီတက်ပွဲကြီးက ၎င်းတို့ကို ချိတ်ဆက်ပေးခဲ့သည်။ လွန်ခဲ့သော နှစ် ၉၀ ကျော်က ဗဟိုတပ်နီတော်သည် ရေ့ကျင်း မှ စတင်ထွက်ခွာပြီး မြောက်မြားစွာသော စိန်ခေါ်မှုများနှင့် အန္တရာယ်များကြားမှ ကီလိုမီတာ ၁၂,၅၀၀ အထိ ချီတက်ခရီးနှင်ကာ ဆန်ရှီးပြည်နယ် မြောက်ပိုင်းသို့ ရောက်ရှိခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။
https://english.news.cn/20260906/1cac40051f6346ab894b3c8f8151a309/c.html
.....................................
(English Version)
Xinhua Headlines: High-speed rail link injects new vitality into revolutionary sites of China's Long March
NANCHANG, Sept. 6 (Xinhua) -- As the train pulled out of Ruijin Station and wound through rolling hills, 67-year-old Liu Ying leaned against the window, softly humming a melody she had known since childhood -- one that evokes the spirit of the epic Long March that shaped modern China more than 90 years ago.
Her grandfather, Liu Jinchang, was among the more than 86,000 soldiers of the Central Red Army who set out on the Long March in October 1934. He never returned.
On Sunday morning, the high-speed train G3998 departed from Ruijin City in east China's Jiangxi Province, bound for Yan'an City in northwest China's Shaanxi Province, linking the two revolutionary sacred sites by high-speed rail for the first time. The journey, which used to take up to 22 hours with multiple transfers, now takes just about 11 hours on the 1,857-km route.
Liu never met her grandfather, but she spent years tracing his footsteps. In 2014, while visiting a memorial park in south China's Guangxi Zhuang Autonomous Region, she found his name etched among more than 1,000 fallen soldiers from her hometown of Yudu County, Jiangxi. Tears streamed down her face.
"My grandfather set out from Ruijin, but he never made it to Yan'an. Today, I'm following the route he took northward, finishing the journey he couldn't complete and seeing the Yan'an he never got to see," Liu said.
FROM FOOT TO TRACK
Ruijin and Yan'an are both landmarks in China's revolutionary history. Located in eastern and northwestern China respectively, they are separated by a straight-line distance of over 1,300 kilometers, yet bound together by the Long March. More than 90 years ago, the Central Red Army set out from Ruijin and marched 12,500 kilometers through countless trials and perils to reach northern Shaanxi.
https://english.news.cn/20260906/1cac40051f6346ab894b3c8f8151a309/c.html
Photo caption 1: Crew members of the train G3998 pose for a group photo at Ruijin Station in Ruijin, east China's Jiangxi Province, Sept. 6, 2026. (Xinhua/Shao Rui)
Photo caption 2: Passengers prepare to board the train G3998 at Ruijin Station in Ruijin, east China's Jiangxi Province, Sept. 6, 2026. (Xinhua/Shao Rui)
