ပေကျင်း၊ ဩဂုတ် ၁၈ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် အင်ဒိုနီးရှားနိုင်ငံ၌ အင်အားပြင်းငလျင် လှုပ်ခတ်မှုနှင့်စပ်လျဉ်း၍ အင်ဒိုနီးရှားနိုင်ငံ သမ္မတ ပရာဘိုဝို ဆူဘီယန်တိုထံသို့ ဩဂုတ် ၁၇ ရက်တွင် ဝမ်းနည်းနှစ်သိမ့်ကြောင်း သဝဏ်လွှာပေးပို့ခဲ့သည်။
သဝဏ်လွှာတွင် ရှီကျင့်ဖိန်က အင်ဒိုနီးရှားနိုင်ငံ၌ အင်အားပြင်းငလျင်လှုပ်ခတ်မှုကြောင့် လူများ သေဆုံးဒဏ်ရာရမှုနှင့် ပစ္စည်းဥစ္စာ ဆုံးရှုံးမှုများ ပြင်းထန်စွာ ဖြစ်ပေါ်ခဲ့ရသည်ကို ထိတ်လန့်စွာ ကြားသိရကြောင်း၊ မိမိအနေဖြင့် တရုတ်နိုင်ငံအစိုးရနှင့် တရုတ်ပြည်သူများကိုယ်စား သေဆုံးသူများအတွက် ဝမ်းနည်းမိပါကြောင်း၊ သေဆုံးသူများ၏ မိသားစုဝင်များနှင့် ဒဏ်ရာရရှိသူများအား နွေးထွေးစွာ နှစ်သိမ့်ပါကြောင်း ပြောကြားခဲ့သည်။ အဆွေတော်ခေါင်းဆောင်သော အင်ဒိုနီးရှားနိုင်ငံအစိုးရ၏ ဦးဆောင်မှုဖြင့် အင်ဒိုနီးရှားပြည်သူများသည် သဘာဝဘေးအန္တရာယ်ကို ဆောလျင်စွာ ကျော်လွှားနိုင်ပြီး မိသားစုဥယျာဉ်များ ပြန်လည်တည်ဆောက်နိုင်လိမ့်မည်ဟု ယုံကြည်ပါကြောင်း ၎င်းက ပြောကြားခဲ့သည်။ (Xinhua)
--------------------------------------------------------------------------------------
(Chinese Version)
习近平就印度尼西亚发生强烈地震向印尼总统普拉博沃致慰问电
新华社北京8月17日电 8月17日，国家主席习近平就印度尼西亚发生强烈地震向印尼总统普拉博沃致慰问电。
习近平表示，惊悉贵国发生强烈地震，造成严重人员伤亡和财产损失，我谨代表中国政府和中国人民，对遇难者表示哀悼，向遇难者家属和伤者致以诚挚慰问。相信在你领导的印度尼西亚政府带领下，印度尼西亚人民一定能够早日战胜灾害、重建家园。（完）
