ဝါရှင်တန်၊ ဇူလိုင် ၁၈ ရက် (ဆင်ဟွာ)
အမေရိကန်စစ်တပ်သည် အမေရိကန်အရှေ့ပိုင်း စံတော်ချိန် ဇူလိုင် ၁၇ ရက် ညနေ ၃ နာရီတွင် အီရန်အား အသစ်တစ်ကြိမ် တိုက်ခိုက်မှု လုပ်ဆောင်ခဲ့ကြောင်း၊ ယင်းသည် အီရန်အား ၇ ညမြောက် ဆက်တိုက် ထိုကဲ့သို့တိုက်ခိုက်မှု လုပ်ဆောင်ခြင်းဖြစ်ပြီး “အီရန်၏စစ်ရေးတိုက်ခိုက်မှုစွမ်းရည်အား ဆက်လက်ချည့်နဲ့သွားအောင် လုပ်ဆောင်ရန်” ရည်ရွယ်ကြောင်း အမေရိကန်ဗဟိုကွပ်ကဲရေးဌာနချုပ် (CENTCOM) က ထိုနေ့တွင် လူမှုမီဒီယာ၌ သတင်းထုတ်ပြန်ခဲ့သည်။
အမေရိကန်စစ်တပ်သည် ဇူလိုင် ၁၆ ရက်တွင် အီရန်နိုင်ငံ Chabahar ဆိပ်ကမ်းရှိ စောင့်ကြည့်ရေးတာဝါတစ်ခုကို ဖျက်ဆီးခဲ့ပြီး ယင်းတာဝါသည် “အီရန်အစ္စလာမ်မစ် တော်လှန်ရေးအစောင့်တပ်ဖွဲ့ ပင်လယ်ရေပြင် စောင့်ကြည့်ရေးကွန်ရက်၏ တစ်စိတ်တစ်ပိုင်းဖြစ်ပြီး ဆယ်စုနှစ်ချီကာလအတွင်း ဟော်မုဇ်ရေလက်ကြားအား ဖြတ်သန်းသွားသော စီးပွားရေးကုန်တင်သင်္ဘောများအား ခြေရာခံခြင်းနှင့် ပစ်မှတ်ထားခြင်းတို့ လုပ်ဆောင်ရန် အစဉ်အမြဲအသုံးပြုခဲ့” ကြောင်း ထိုနေ့အစောပိုင်းတွင် CENTCOM က ပို့စ်တင်၍ ပြောကြားခဲ့သည်။
လတ်တလောရက်ပိုင်းတွင် အမေရိကန်စစ်တပ်က အီရန်အား စစ်ရေးတိုက်ခိုက်မှုများ ဆက်တိုက် လုပ်ဆောင်ခဲ့သည်။ အမေရိကန်စစ်တပ်က ဇူလိုင် ၁၆ ရက်တွင် အီရန်အပေါ် အကြီးအကျယ်တိုက်ခိုက်မှု လုပ်ဆောင်ခဲ့ရာ တိုက်ခိုက်မှုသည် ၇ နာရီ ၄၀ မိနစ် ကြာမြင့်ခဲ့ကြောင်း၊ အမေရိကန်စစ်တပ်သည် တိုက်လေယာဉ်၊ ဒရုန်းနှင့် စစ်သင်္ဘောများကို အသုံးပြု၍ ပစ်မှတ်တိကျမှုမြင့်မားသော စစ်လက်နက်များ ပစ်လွှတ်ခဲ့ရာ အီရန်စစ်ရေးပစ်မှတ် ဒါဇင်နှင့်ချီ ထိမှန်ခဲ့ကြောင်း၊ ၎င်းတို့တွင် ကမ်းရိုးတန်းတစ်လျှောက် စောင့်ကြည့်ရေးနှင့် လေကြောင်းကာကွယ်ရေး အဆောက်အဦ၊ စစ်ရေးထောက်ပံ့ရေး အခြေခံအဆောက်အဦနှင့် ပင်လယ်ရေပြင်စစ်ဆင်ရေး အဆောက်အဦများ ပါဝင်ကြောင်း CENTCOM က ထိုနေ့တွင် ပြောကြားခဲ့သည်။ (Xinhua)
--------------------------------------------------------------------------------------
(Chinese Version)
美军对伊朗发动新一轮打击
新华社华盛顿7月17日电（记者黄强 施春）美军中央司令部17日在社交媒体发布消息说，美军于美东时间当天15时对伊朗发动新一轮打击，这是连续第七晚采取此类行动，旨在“继续削弱伊朗军事能力”。
当天早些时候，美军中央司令部发文称，美军16日摧毁了位于伊朗港口恰赫巴哈尔的一座监视塔，并称该塔是“伊朗伊斯兰革命卫队海上监视网络的一部分，数十年来一直用于追踪并锁定途经霍尔木兹海峡的商船”。
近日，美军连续对伊朗发动军事打击。美军中央司令部16日说，美军当天对伊朗发动大规模打击，行动共持续7小时40分钟。美军动用战斗机、无人机和军舰，发射精确制导弹药，击中数十个伊朗军事目标，包括沿海监视和防空设施、军事后勤基础设施以及海上作战设施。（完）
图说：4月20日，在伊朗首都德黑兰，伊朗国旗悬挂在遭美以袭击被严重损毁的建筑上。新华社记者 沙达提 摄
