ကူမင်း၊ ဇူလိုင် ၉ ရက် (ဆင်ဟွာ)
တရုတ်-လာအိုရထားလမ်းစတင်ဖွင့်လှစ်ပြေးဆွဲသည့်အချိန်မှစ၍ ဇူလိုင် ၈ ရက် နံနက်ပိုင်းအထိ နယ်စပ်ဖြတ်ကျော် ကုန်စည်ပို့ဆောင်မှုသည် တန်ချိန် သန်း ၂၀ ထက်ကျော်လွန်ခဲ့ပြီး ပြေးဆွဲသည့် နယ်စပ်ဖြတ်ကျော် ကုန်စည်ရထားတွဲပေါင်း ၂၃,၀၀၀ ကျော်ရှိကြောင်း ဇူလိုင် ၈ ရက်တွင် China
Railway Kunming Group Co., Ltd မှ သိရသည်။
တရုတ်-လာအိုရထားလမ်းကို ၂၀၂၁ ခုနှစ် ဒီဇင်ဘာ ၃ ရက်တွင် စတင်ပြေးဆွဲလည်ပတ်သည့်အချိန်မှစ၍ တရုတ်နိုင်ငံနှင့် လာအိုနိုင်ငံ၏ နှစ်နိုင်ငံရထားလမ်းဌာနများသည် ကုန်စည်ပို့ဆောင်ရေးစီစဉ်မှုကို မြှင့်တင်ပြီး ပို့ဆောင်မှုစွမ်းရည်နှင့် လုပ်ငန်းတွင်ကျယ်မှု တိုးမြှင့်လာခဲ့သဖြင့် နယ်စပ်ဖြတ်ကျော် ကုန်စည်ပို့ဆောင်မှုပမာဏသည် တစ်ဆင့်ချင်းတိုးတက်လာရာ ၂၀၂၅ ခုနှစ် နှစ်ကုန်ပိုင်းတွင် စုစုပေါင်း ပို့ဆောင်မှုတန်ချိန်မှာ ၁၇ သန်းနီးပါး ရှိလာခဲ့သည်။
ယခုနှစ်အတွင်း တရုတ်-လာအိုရထားလမ်း နယ်စပ်ဖြတ်ကျော် ကုန်စည်ပို့ဆောင်မှုသည် မြင့်မားသောအဆင့်တွင် ဆက်လက်လည်ပတ်ခဲ့သည်။ ပျမ်းမျှတစ်ရက်လျှင် နယ်စပ်ဖြတ်ကျော်ပို့ဆောင်သော ကုန်စည်ပမာဏသည် တန်ချိန် ၁၇,၀၀၀ ရှိပြီး လက်ရှိတွင် စုစုပေါင်း တန်ချိန် ၃.၁၆ သန်းရှိလာကာ ယမန်နှစ်ကာလတူထက် တည်ငြိမ်စွာတိုးတက်နေသဖြင့် “ရွှေရောင်လမ်းကြောင်း” အကျိုးသက်ရောက်မှုများ ဆက်လက်ပေါ်ထွန်းလျက်ရှိသည်။
လက်ရှိတွင် တရုတ်-လာအိုရထားလမ်း ကုန်ပစ္စည်းပို့ဆောင်မှုသည် လာအို၊ မြန်မာ၊ ကမ္ဘောဒီးယား၊ ထိုင်း၊ ဗီယက်နမ်၊ မလေးရှား၊ စင်ကာပူ၊ ဘင်္ဂလားဒေ့ရှ် စသည့် နိုင်ငံနှင့်ဒေသ ၁၉ ခုကို လွှမ်းခြုံထားပြီး ပို့ဆောင်သော ကုန်စည်အမျိုးအစားသည် စတင်ပြေးဆွဲသည့် ကနဦးကာလက ၁၀ မျိုးကျော်ရှိရာမှ ၃,၈၀၀ ကျော်အထိတိုးချဲ့လာခဲ့သည်။ “လန်ချန်း-မဲခေါင်အမြန်လမ်း” ၊ “တရုတ်-လာအိုရထားလမ်း + တရုတ်-ဥရောပရထားလမ်း” ၊ “တရုတ်-လာအိုရထားလမ်း + အနောက်ပိုင်း ကုန်းရေနှစ်သွယ်လမ်းကြောင်းသစ်” စသည့် နိုင်ငံတကာ ပူးတွဲပို့ဆောင်ရေးအမှတ်တံဆိပ်လမ်းကြောင်းများသည်လည်း တစ်နေ့တခြား တိုးတက်လာလျက်ရှိကြောင်း သိရသည်။ (Xinhua)
----------------------------------
(Chinese Version)
中老铁路跨境货物运输突破2000万吨
新华社昆明7月8日电（记者浦超）记者7月8日从中国铁路昆明局集团有限公司获悉，截至7月8日上午，中老铁路开通以来跨境货物运输累计突破2000万吨，开行跨境货物列车超2.3万列。
中老铁路自2021年12月3日开通运营以来，中国和老挝两国铁路部门加强货物运输组织，提升运输能力和效率，跨境货物运输量节节攀升，到2025年底累计运输近1700万吨。
今年以来，中老铁路跨境货物运输持续保持高位运行，日均运输跨境货物1.7万吨，到目前已累计运输316万吨，同比实现稳定增长，“黄金线路”效应持续释放。
目前，中老铁路运输货物已覆盖老挝、缅甸、柬埔寨、泰国、越南、马来西亚、新加坡、孟加拉国等19个国家和地区，运输商品种类从开通初期的10余种拓展至3800余种。“澜湄快线”“中老铁路+中欧班列”“中老铁路+西部陆海新通道”等国际联运品牌日渐成熟。（完）
图说：一列即将开往老挝万象的国际旅客列车停靠在昆明南站。新华社发（杨紫轩摄）
