အပူလှိုင်းကို အန်တုရန် ဆေးရုံများအတွက် လေအေးပေးစက် အလုံး ၃၀,၀၀၀ ပြင်သစ် အရေးပေါ်ဝယ်ယူ

ပဲရစ်၊ ဇွန် ၃၀ ရက် (ဆင်ဟွာ)

ပြင်သစ်အစိုးရသည် လာမည့် အပူလွန်ကဲ အပူလှိုင်းကို ရင်ဆိုင်ဖြေရှင်းရန် ဆေးရုံများအတွက် လေအေးပေးစက် အလုံး ၃၀,၀၀၀ ကို အရေးပေါ်ဝယ်ယူခဲ့ပြီး “လာမယ့်ရက်အနည်းငယ်မှာ” ပစ္စည်းရောက်ရှိမည်ဟု ခန့်မှန်းရကြောင်း ပြင်သစ် ကျန်းမာရေးဝန်ကြီး Stephanie Rist က ဇွန် ၂၈ ရက်တွင် ပြောကြားခဲ့သည်။

ပြင်သစ်နိုင်ငံရှိ ဆေးရုံလူနာဆောင်အားလုံးတွင် အပူချိန်လျှော့ချသည့် သို့မဟုတ် လေအေးပေးစနစ်များ မရှိကြောင်း၊ ၂၀၀၃ ခုနှစ်တွင် ပြင်သစ်နိုင်ငံသည် စံချိန်တင် အပူချိန်မြင့်မားမှုကို ကြုံတွေ့ခဲ့ရပြီးနောက်ပိုင်း ဆေးရုံအချို့ကို ပြန်လည်တည်ဆောက်ခြင်း သို့မဟုတ် ပြန်လည်ပြုပြင်မွမ်းမံခြင်းများ ပြုလုပ်ခဲ့ခြင်းဖြစ်ကြောင်း၊ သို့သော်လည်း အဆင့်မြှင့်တင်မှုများကို မပြီးမြောက်သေးသော ဆေးရုံအချို့ရှိနေဆဲဖြစ်ကြောင်း Rist က BFM TV သို့ ပြောကြားခဲ့သည်။

လွန်ခဲ့သည့်သီတင်းပတ်တွင် ပြင်သစ်နိုင်ငံသည် နှစ်ပေါင်း ၈၀ နီးပါးအတွင်း အပူချိန်အမြင့်ဆုံးကို ကြုံတွေ့ခဲ့ရသည်။ ပြင်သစ်မိုးလေဝသဌာန၏ အချက်အလက်များအရ အဆိုပါနိုင်ငံက ဇွန် ၂၄ ရက်တွင် ၂၄ နာရီ ပျမ်းမျှအပူချိန်မှာ ၃၀ ဒီဂရီစင်တီဂရိတ်အထိ ရောက်ရှိခဲ့သည်။

ပြင်သစ်ပြည်သူ့ကျန်းမာရေးအေဂျင်စီ (ECDC) ၏ ဇွန် ၂၈ ရက် ထုတ်ပြန်သော ကနဦးအချက်အလက်များအရ ပြင်သစ်နိုင်ငံတွင် ယခုအကြိမ် အပူလှိုင်းကာလအတွင်း သေဆုံးသူလူဦးရေ သိသိသာသာတိုးလာကြောင်း ပြသထားပြီး ယင်းအနက် ဇွန် ၂၄ ရက်မှ ၂၆ ရက်အထိ သုံးရက်အတွင်း အတိုင်းထက်အလွန် သေဆုံးသူအရေအတွက်မှာ ၁,၀၀၀ ကျော် ရှိကြောင်း မှတ်တမ်းတင်ထားသည်။

ရာသီဥတုသမိုင်းကြောင်း၊ အဆောက်အအုံဆိုင်ရာ အခြေအနေများ၊ အများပြည်သူဆိုင်ရာ မူဝါဒများနှင့် သဘာဝပတ်ဝန်းကျင် ထိန်းသိမ်းရေး အယူအဆများ စသည့် အကြောင်းရင်းများကြောင့် ပြင်သစ်နိုင်ငံတွင် လေအေးပေးစက်အသုံးပြုမှုနည်းပါးသည်။ ပြင်သစ်နိုင်ငံ ပတ်ဝန်းကျင်နှင့် စွမ်းအင်စီမံခန့်ခွဲမှုအေဂျင်စီမှ ထုတ်ပြန်သောအချက်အလက်များအရ ပြင်သစ်အိမ်ထောင်စုများတွင် လေအေးပေးစက်တပ်ဆင်မှုနှုန်းမှာ ၁၈ ရာခိုင်နှုန်း မှ ၂၆ ရာခိုင်နှုန်း အကြားရှိကြောင်း ဖော်ပြထားသည်။ (Xinhua)

..........................

(Chinese Version)

法国为医院紧急采购3万台空调应对热浪

新华社巴黎6月29日电（记者罗毓）法国卫生部长斯特凡妮·里斯特28日说，法国政府为医院紧急采购的3万台空调预计将在“未来几天”送达，以应对下一波高温热浪。

里斯特对法国商业调频电视台说，法国并非所有医院病房都有降温或空调系统，法国2003年遭遇创纪录的高温以来，部分医院进行了重建或改造，但仍有医院尚未完成改造。  

法国上周经历近80年来的最高温。法国气象局数据显示，该国24日24小时平均气温达到30摄氏度。  

法国公共卫生署28日公布的初步数据显示，法国本轮高温期间死亡人数明显上升，其中仅6月24日至26日的3天就记录到逾1000例超额死亡。  

受气候历史、建筑条件、公共政策和环保观念等因素影响，法国空调普及率不高。法国环境与能源管理署公布的数据显示，法国住户空调安装率约在18%至26%之间。（完）

图说：5月28日，在法国巴黎的罗兰·加洛斯体育场，人们在一处水雾装置前消暑。新华社记者 邬惠我 摄