ရန်ကုန်၊ မတ် ၁၉ ရက် (ဆင်ဟွာ)
မြန်မာနိုင်ငံ သယံဇာတနှင့် သဘာပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနက တရားမဝင်သစ်နှင့် သစ်တောထွက်ပစ္စည်းများ ရှာဖွေဖော်ထုတ်ဖမ်းဆီးလျက်ရှိရာ ရက်သတ္တပတ် တစ်ပတ်အတွင်း တစ်နိုင်ငံလုံးတွင် တရားမဝင်သစ် ၈၄.၃ တန်ကျော်ကို ဖမ်းဆီးရမိခဲ့ကြောင်း မတ်လ ၁၉ ရက်ထုတ် နိုင်ငံပိုင် မြန်မာ့အလင်းသတင်းစာတွင် ဖော်ပြထားသည်။
၂၀၂၆ ခုနှစ်၊ မတ်လ ၉ ရက်မှ မတ်လ ၁၅ ရက်အထိ နေပြည်တော်၊ ပြည်နယ်နှင့်တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်းသစ် ၁၈.၄၅၅၈ တန်၊ သစ်မာ ၈.၄၀၄၄ တန်၊ အခြား ၅၇.၅၀၄၃ တန်၊ စုစုပေါင်း ၈၄.၃၆၄၅ တန် သိမ်းဆည်းရမိခဲ့ကြောင်း သတင်းတွင် ဖော်ပြပါရှိသည်။
ရက်သတ္တပတ်တစ်ပတ်အတွင်း ယာဉ်/ယန္တရား ၁၂ စီး နှင့်အတူ တရားခံ ၁၆ ဦးကိုလည်း ဖမ်းဆီးရမိခဲ့ကြောင်း သိရသည်။
သယံဇာတနှင့် သဘာပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနသည် တရားမဝင်သစ်နှင့် သစ်တောထွက်ပစ္စည်းများကို ရှာဖွေဖော်ထုတ်ဖမ်းဆီးရေးအား ပြည်သူ ပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် (Community Monitoring and Reporting System-CMRS) အပါအဝင် နည်းလမ်းမျိုးစုံဖြင့် အကောင်အထည်ဖော် ဆောင်ရွက်လျက်ရှိကြောင်း သိရသည်။ (Xinhua)
