ကိုင်ရို၊ နိုဝင်ဘာ ၉ ရက် (ဆင်ဟွာ)
အီဂျစ်နိုင်ငံ ကိုင်ရိုမြို့၌ နိုဝင်ဘာ ၈ ရက်က ကျင်းပသည့် ဘီလီဂျင်းဘုရင့်ဖလား လူငယ်ပြိုင်ပွဲနှင့် ဒေးဗစ်ဖလား လူငယ်ပြိုင်ပွဲ ဗိုလ်လုပွဲများတွင် ချက်ကီးယားအသင်းနှင့် ပြင်သစ်အသင်းတို့က အမျိုးသမီးနှင့် အမျိုးသား ချန်ပီယံဆုများကို အသီးသီး ဆွတ်ခူးခဲ့ကြပြီး ဗိုလ်လုပွဲနှစ်ပွဲစလုံးတွင် နှစ်ယောက်တွဲပြိုင်ပွဲဖြင့် အဆုံးအဖြတ်ပေးခဲ့ရကြောင်း သိရသည်။
အမျိုးသမီး ဗိုလ်လုပွဲတွင် ချက်ကီးယားအသင်းသည် ဂျပန်အသင်းကို ၂-၁ မှတ်ဖြင့် အနိုင်ရရှိခဲ့သည်။ ယင်းပွဲတွင် ယာနာ ကိုဗက်ချ်ကိုဗာနှင့် ကာတာရီနာ ဇာယစ်ကိုဗာတို့သည် ဆာကီနို မီယာဇာဝါနှင့် ရန် ဝါကာနာတို့ကို အဆုံးအဖြတ်ပေးသည့် ပွဲအနိုင်အရှုံး အဆုံးအဖြတ်ပွဲတွင် ၆-၁၊ ၄-၆၊ ၁၁-၉ မှတ်ဖြင့် အနိုင်ရရှိခဲ့ခြင်းဖြစ်သည်။
ဇာယစ်ကိုဗာသည် ဂျပန်ကစားသမား ယူအီ ကိုမာဒါကို ၆-၂၊ ၆-၄ မှတ်ဖြင့် အနိုင်ရရှိခဲ့ပြီး ချက်ကီးယားအသင်းအတွက် ဦးဆောင် အသာစီးရလဒ် ရယူပေးခဲ့သည်။ သို့သော် မီယာဇာဝါက ကိုဗက်ချ်ကိုဗာကို ၆-၃၊ ၆-၁ မှတ်ဖြင့် ပြန်လည်အနိုင်ရရှိခဲ့သဖြင့် ပြိုင်ပွဲအခြေအနေကို ၁ မှတ်စီ သရေရလဒ်ဖြစ်အောင် ပြန်လည်ဆွဲယူပေးခဲ့သည်။
ယခုအနိုင်ရရှိမှုကြောင့် ချက်ကီးယားအသင်းသည် အမျိုးသမီးပြိုင်ပွဲတွင် ချန်ပီယံဆုကို ဆဋ္ဌမအကြိမ်မြောက် ဆွတ်ခူးနိုင်ခဲ့ပြီး ၂၀၂၁ ခုနှစ်နောက်ပိုင်း ပထမဆုံးအကြိမ် ရရှိခဲ့ခြင်း ဖြစ်သည်။
အမျိုးသား ဗိုလ်လုပွဲတွင် ပြင်သစ်အသင်းသည် ချက်ကီးယားအသင်းကို ၂-၁ မှတ်ဖြင့် အနိုင်ရရှိခဲ့သည်။ အဆုံးအဖြတ်ပေးသည့် နှစ်ယောက်တွဲပြိုင်ပွဲတွင် ဘွာနွာ ဂဲလ်ဒေါ့ဖ်နှင့် ပါဘလို ပရာဒါတို့သည် တော်မီ လူဆာနှင့် မာတီယက်စ် မာရှစ်တို့ကို ၆-၃၊ ၆-၂ မှတ်ဖြင့် အနိုင်ရရှိခဲ့ခြင်း ဖြစ်သည်။
ဂဲလ်ဒေါ့ဖ် က လူဆာ အား ၆-၇၊ ၆-၁၊ ၆-၄ မှတ်များဖြင့် ပထမပွဲ ရှုံးနိမ့်နေရာမှ အနိုင်ရလဒ် ရရှိအောင် ပြန်လည်ရုန်းကန်ကာ ပြင်သစ်အသင်းကို ဦးဆောင်ခွင့် ရရှိစေခဲ့သော်လည်း၊ မာရှစ်က ပရာဒါအား ၂-၆၊ ၇-၆၊ ၇-၅ မှတ်များဖြင့် ပြန်လည်အနိုင်ယူကာ ချက်အသင်း၏ ချန်ပီယံဆု မျှော်လင့်ချက်ကို ဆက်လက် ရှင်သန်စေခဲ့ပြီး အနိုင်အရှုံး အဆုံးအဖြတ် နှစ်ယောက်တွဲ ပွဲစဉ်အထိ ရောက်ရှိအောင် တွန်းပို့နိုင်ခဲ့သည်။
ပြင်သစ်အသင်း၏ ယခုအနိုင်ရရှိမှုသည် ဒေးဗစ်ဖလား လူငယ်ပြိုင်ပွဲ ချန်ပီယံဆုကို ပဉ္စမအကြိမ်မြောက် ဆွတ်ခူးနိုင်ခဲ့ခြင်းဖြစ်ပြီး ၂၀၀၅ ခုနှစ်နောက်ပိုင်း ပထမဆုံးအကြိမ် ရရှိခဲ့ခြင်းဖြစ်သည်။
နိုဝင်ဘာ ၇ ရက်က ကျင်းပခဲ့သည့် ဆီမီးဖိုင်နယ်ပွဲစဉ်များတွင် ပြင်သစ်အသင်းသည် ဂျပန်အသင်းကို ၂-၀ မှတ်ဖြင့်လည်းကောင်း၊ ချက်ကီးယားအသင်းသည် ဘရာဇီးအသင်းကို ၂-၁ မှတ်ဖြင့်လည်းကောင်း အနိုင်ရရှိကာ အမျိုးသားဗိုလ်လုပွဲသို့ တက်ရောက်ခဲ့ကြသည်။ အမျိုးသမီးပြိုင်ပွဲတွင် ချက်ကီးယားအသင်းက ဗြိတိန်အသင်းကို ၂-၁ မှတ်ဖြင့် အနိုင်ရရှိခဲ့ပြီး ဂျပန်အသင်းက ယူကရိန်းအသင်းကို ၂-၀ မှတ်ဖြင့် အနိုင်ရရှိခဲ့သည်။
နိုဝင်ဘာ ၂ ရက်မှ ၈ ရက် အထိ ကိုင်ရိုမြို့ရှိ Smash Sporting Club ၌ ကျင်းပခဲ့သည့် အဆိုပါပြိုင်ပွဲတွင် ပြိုင်ပွဲတစ်ခုစီ၌ နိုင်ငံအသင်း ၁၆ သင်းစီ ပါဝင်ယှဉ်ပြိုင်ခဲ့ကြပြီး အသက် ၁၆ နှစ်အောက် ကမ္ဘာ့အသင်းလိုက် ဗိုလ်လုပွဲများကို အာဖရိကတိုက်တွင် ပထမဆုံးအကြိမ် ကျင်းပနိုင်ခဲ့ခြင်းလည်း ဖြစ်သည်။ (Xinhua)
------------------------------------------
(English Version)
Czechia, France claim junior tennis team titles in Cairo
CAIRO, Nov. 8 (Xinhua) -- Czechia and France claimed the girls' and boys' titles, respectively, at the Billie Jean King Cup Juniors and Davis Cup Juniors Finals in Cairo on Sunday, with both championship ties decided in doubles.
In the girls' final, Czechia defeated Japan 2-1 after Jana Kovackova and Katerina Zajickova beat Sakino Miyazawa and Ran Wakana 6-1, 4-6, 11-9 in a deciding match tiebreak.
Zajickova had given Czechia the lead with a 6-2, 6-4 victory over Japan's Yui Komada, before Miyazawa leveled the tie by defeating Kovackova 6-3, 6-1.
The victory gave Czechia its sixth title in the girls' competition and its first since 2021.
In the boys' final, France defeated Czechia 2-1, with Benoit Geldof and Pablo Pradat beating Tommy Luxa and Matyas Marsik 6-3, 6-2 in the decisive doubles match.
Geldof had put France ahead after recovering from a set down to beat Luxa 6-7, 6-1, 6-4, but Marsik kept Czechia's title hopes alive by defeating Pradat 2-6, 7-6, 7-5 to force the doubles decider.
France's victory marked its fifth Davis Cup Juniors title and its first since 2005.
In Saturday's semifinals, France defeated Japan 2-0 and Czechia beat Brazil 2-1 to reach the boys' final. In the girls' competition, Czechia overcame Great Britain 2-1, while Japan defeated Ukraine 2-0.
The tournament, held at Cairo's Smash Sporting Club from Nov. 2 to 8, brought together 16 national teams in each competition and marked the first time the under-16 world team finals had been staged in Africa.
