ရန်ကုန်၊ အောက်တိုဘာ ၁၄ ရက် (ဆင်ဟွာ)
အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့ အထိမ်းအမှတ်အခမ်းအနားကို မြန်မာနိုင်ငံ နေပြည်တော်တွင် ကျင်းပခဲ့ကြောင်း အောက်တိုဘာ ၁၄ ရက်ထုတ် နိုင်ငံပိုင်နေ့စဉ်သတင်းစာ The Global New Light of Myanmar က ဖော်ပြခဲ့သည်။
မြန်မာနိုင်ငံသည် သဘာဝဘေးအန္တရာယ် ထိခိုက်ဆုံးရှုံးနိုင်ခြေမြင့်မားသည့် နိုင်ငံဖြစ်သဖြင့် သဘာဝဘေးအန္တရာယ် ထိခိုက်ဆုံးရှုံးနိုင်ခြေလျှော့ချရေး ဆန်ဒိုင်းမူဘောင် (၂၀၁၅-၂၀၃၀)၊ သဘာဝဘေးအန္တရာယ် စီမံခန့်ခွဲမှုဥပဒေတို့နှင့်အညီ ဘေးအန္တရာယ်မဖြစ်မီ ကြိုတင်ကာကွယ်ရေးနှင့် ထိခိုက်ဆုံးရှုံးနိုင်ခြေ လျှော့ချရေးလုပ်ငန်းများကို အလေးထား ဆောင်ရွက်လျက်ရှိကြောင်း အောက်တိုဘာ ၁၃ ရက်က ကျင်းပသည့် အဆိုပါအခမ်းအနား၌ မြန်မာနိုင်ငံ ဒုတိယသမ္မတ ဦးညိုစောက ပြောကြားခဲ့သည်။
ထို့အပြင် သဘာဝဘေးဒဏ် ကြံ့ကြံ့ခံနိုင်ရေးအတွက် ဆောင်ရွက်ရာတွင် စွမ်းဆောင်ရည်ပြည့်ဝခြင်းနှင့် အားလုံး ပူးပေါင်းပါဝင်ဆောင်ရွက်ခြင်းသည် အရေးပါသည့်အချက်ဖြစ်ကြောင်း၊ ဘေးဒဏ်ကြံ့ကြံ့ခံနိုင်စွမ်းကို တစ်အိမ်ချင်းစီက အစပြု၍ နိုင်ငံတော်အဆင့်ထိ အဆင့်ဆင့်ကြိုးပမ်းတည်ဆောက်သွားရေးကို အမျိုးသားရေး တာဝန်တစ်ရပ်အဖြစ် မှတ်ယူဆောင်ရွက်ကြရန် တိုက်တွန်းကြောင်း ၎င်းက အလေးပေးပြောကြားခဲ့သည်။
အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့အား နှစ်စဉ် အောက်တိုဘာ ၁၃ ရက်၌ ကျင်းပလေ့ရှိကာ ယခုနှစ် ဆောင်ပုဒ်မှာ ”ဘေးဒဏ်ကြံ့ကြံ့ခံနိုင်ဖို့ နေအိမ်များမှစတင်စို့” (Resilience Starts at Home) ဟူ၍ဖြစ်သည်။ လူတိုင်းတွင် သဘာဝဘေးအန္တရာယ်များကို ရင်ဆိုင်တုံ့ပြန်နိုင်စွမ်းရှိကာ ဘေးကင်းလုံခြုံ၍ သင့်တင့်လျောက်ပတ်သော နေအိမ်တစ်လုံး ပိုင်ဆိုင်ထိုက်သည်ဟူသော သတင်းစကားကို အလေးပေးဖော်ပြထားခြင်းဖြစ်ကြောင်း သိရသည်။ (Xinhua)
.................................
(English Version)
Myanmar marks International Day for Disaster Risk Reduction
YANGON, Oct. 14 (Xinhua) -- Myanmar held a ceremony in Nay Pyi Taw to mark the International Day for Disaster Risk Reduction, the state-owned daily The Global New Light of Myanmar reported on Wednesday.
During the ceremony on Tuesday, Vice President U Nyo Saw said that, as Myanmar is highly vulnerable to natural disasters, the country places great emphasis on pre-disaster preparedness and disaster risk reduction activities in accordance with the Sendai Framework for Disaster Risk Reduction 2015-2030 and the Disaster Management Law in Myanmar.
He highlighted that capability and inclusive participation are vital factors in building disaster resilience and that it is necessary to strengthen resilience step by step, starting from individual households up to the national level, as a national duty.
Observed annually on Oct. 13, the International Day for Disaster Risk Reduction focuses this year on the theme "Resilience Starts at Home." The message emphasizes that everyone deserves a home that is safe, affordable and able to withstand the hazards around it.
