အိုင်ချိ-နာဂိုယာ အာရှအားကစားပြိုင်ပွဲတွင် တရုတ်နိုင်ငံ၏ မျိုးဆက်သစ် ကစားသမားများ ထွန်းတောက်အောင်မြင်

နာဂိုယာ၊ ဂျပန်၊ အောက်တိုဘာ ၅ ရက် (ဆင်ဟွာ)

အိုင်ချိ-နာဂိုယာ အာရှအားကစားပြိုင်ပွဲမှာ အောက်တိုဘာ ၅ ရက်က ကျင်းပပြီးစီးသွားခဲ့ပြီဖြစ်ကာ တရုတ်နိုင်ငံက ရွှေတံဆိပ် ၁၆၉ ခု၊ ငွေတံဆိပ် ၈၉ ခုနှင့် ကြေးတံဆိပ် ၈၃ ခု ဆွတ်ခူးနိုင်ခဲ့သလို ရွှေတံဆိပ်ဆုရဇယားတွင် ၁၂ ကြိမ်ဆက်တိုက် ထိပ်ဆုံးမှ ရပ်တည်နိုင်ခဲ့သဖြင့် ပြည်ပနိုင်ငံများတွင် ကျင်းပသည့် အာရှအားကစားပြိုင်ပွဲများ၌ ဆုတံဆိပ်ဆွတ်ခူးနိုင်မှု အကောင်းဆုံး စံချိန်အဖြစ်လည်း မှတ်တမ်းဝင်ခဲ့သည်။

ယခုပြိုင်ပွဲမှာ ဆုတံဆိပ်ရရှိမှု အရေအတွက်အားဖြင့်သာမက တရုတ်နိုင်ငံ၏ ထူးချွန် မျိုးဆက်သစ် အားကစားသမားများကိုလည်း မြေတောင်မြှောက်ပေးနိုင်ခဲ့သည်။ အားကစားနည်းမျိုးစုံတွင် လူငယ်ပြိုင်ပွဲဝင် အားကစားသမားများ ပေါ်ထွက်လာခဲ့ရာ အစဉ်အလာအရ တရုတ်နိုင်ငံက အသာစီးရလေ့ရှိသော အားကစားနည်းများကို ပိုမိုအားကောင်းစေရုံသာမက အားကစားနည်းအသစ်များတွင်လည်း ထိုးဖောက်အောင်မြင်မှုများ ရရှိခဲ့ကာ နာဂိုယာ အားကစားပြိုင်ပွဲထက် များစွာကျော်လွန်သော ကြီးမားသည့် ရည်မှန်းချက်များကိုပါ ဖော်ပြလျက်ရှိသည်။

စွမ်းဆောင်ရည် အပြည့်အဝပြသနိုင်ခဲ့

တရုတ်နိုင်ငံအနေဖြင့် အစဉ်အလာအရ အားသာချက်ရှိသည့် အားကစားနည်းများတွင် အပြည့်အဝစိုးမိုးထားနိုင်မှုကို ယခုအာရှအားကစားပြိုင်ပွဲ တစ်လျှောက်လုံးတွင် ထင်ထင်ရှားရှား ပြသနိုင်ခဲ့သည်။

ဒိုင်ဗင်ထိုး အားကစားနည်းသည် ယခုတစ်ကြိမ်တွင်လည်း အထင်ရှားဆုံးဥပမာ ဖြစ်ခဲ့ပြန်သည်။ လျန့်ကျွင့်ကျယ် က အမျိုးသား ၁၀ မီတာ ပလက်ဖောင်း ရွှေတံဆိပ် ဆွတ်ခူးနိုင်ခဲ့ခြင်းနှင့်အတူ တရုတ်နိုင်ငံသည် ယခုပြိုင်ပွဲတွင် ထည့်သွင်းကျင်းပခဲ့သည့် ဒိုင်ဗင်ထိုးအားကစား ရွှေတံဆိပ် ၁၀ ခုစလုံးကို အလုံးစုံသိမ်းပိုက်နိုင်ခဲ့သည်။ တရုတ်နိုင်ငံအနေဖြင့် ၁၉၇၄ ခုနှစ်တွင် အာရှအားကစားပြိုင်ပွဲ၌ စတင်ဝင်ရောက်ယှဉ်ပြိုင်ချိန်မှစ၍ ဒိုင်ဗင်ထိုးအားကစားနည်းတွင် ရွှေတံဆိပ်ဆုနှင့် လွဲချော်ဖူးခြင်း မရှိသေးသလို ယခုရရှိခဲ့သည့် ချန်ပီယံဆုမှာလည်း အာရှအားကစားပြိုင်ပွဲ သမိုင်းတစ်လျှောက် ဒိုင်ဗင်ထိုးအားကစားနည်းတွင် တရုတ်အသင်း၏ ရာပြည့်ရွှေတံဆိပ်ဆုဖြစ်သည်။

ထိုသို့စိုးမိုးထားမှုကို ရေကူးကန်ပြင်ပအထိ ကျယ်ကျယ်ပြန့်ပြန့် ချဲ့ထွင်နိုင်ခဲ့သည်။ တရုတ်ရေကူးအားကစားသမားများသည် ရွှေတံဆိပ် ၃၀ ခု၊ ငွေတံဆိပ် ၁၃ ခုနှင့် ကြေးတံဆိပ် ၁၁ ခု ဆွတ်ခူးနိုင်ခဲ့ရာ အာရှအားကစားပြိုင်ပွဲ သမိုင်းတစ်လျှောက် အကောင်းဆုံးရလဒ်ကို ပိုင်ဆိုင်နိုင်ခဲ့ခြင်းဖြစ်သည်။ ထို့ပြင် ၎င်းတို့သည် အာရှစံချိန် ၅ ခုနှင့် ပြိုင်ပွဲစံချိန် ၁၇ ခုတို့ကို ချိုးဖျက်နိုင်ခဲ့ကာ လက်ဆင့်ကမ်း ရေကူးပြိုင်ပွဲတွင်လည်း ပထမဆုံးအကြိမ်အဖြစ် ရွှေတံဆိပ် ၇ ခုစလုံးကို သိမ်းပိုက်နိုင်ခဲ့သည်။

ပြေးခုန်ပစ်အားကစား ပြိုင်ပွဲများတွင်လည်း တရုတ်နိုင်ငံက ကစားသမားအင်အားကို ဆုတံဆိပ်များအဖြစ် အောင်မြင်စွာ ပြောင်းလဲနိုင်ခဲ့သည်။ အသင်းအနေဖြင့် ရွှေတံဆိပ် ၁၇ ခု၊ ငွေတံဆိပ် ၁၄ ခုနှင့် ကြေးတံဆိပ် ၈ ခု ဆွတ်ခူးနိုင်ခဲ့ရာ ၁၉၉၈ ခုနှစ်က ဘန်ကောက်မြို့တွင် ကျင်းပသည့် အာရှအားကစားပြိုင်ပွဲနောက်ပိုင်း တရုတ်နိုင်ငံပြင်ပ အာရှအားကစားပြိုင်ပွဲများတွင် အကောင်းဆုံးစွမ်းဆောင်ရည်ကို ပြသနိုင်ခဲ့ပြီး ပြေးခုန်ပစ် ဆုတံဆိပ်ဇယား၏ ထိပ်ဆုံး၌ ရပ်တည်နိုင်ခဲ့သည်။

ထို့အတူ ဆုတံဆိပ်အများအပြား ရရှိနိုင်သည့် အခြားအားကစားနည်းများတွင်လည်း အဆိုပါ အရှိန်အဟုန်ကို ဆက်လက်ထိန်းထားနိုင်ခဲ့သည်။ တရုတ်နိုင်ငံက သေနတ်ပစ်ပြိုင်ပွဲများတွင် ချန်ပီယံဆုတံဆိပ် စုစုပေါင်း ၂၈ ခုအနက် ၁၆ ခုကို သိမ်းပိုက်နိုင်ခဲ့ပြီး ကမ္ဘာ့စံချိန်သစ် ၅ ခုကိုလည်း စိုက်ထူနိုင်ခဲ့သည်။

တရုတ်နိုင်ငံ သေနတ်ပစ်နှင့် မြားပစ်အားကစားဌာနမှ တာဝန်ရှိသူတစ်ဦးဖြစ်သည့် ဝမ်လျန့်က "ဒီအာရှအားကစားပြိုင်ပွဲဟာ ၂၀၂၈ လော့စ်အိန်ဂျလိစ် အိုလံပစ်ပြိုင်ပွဲအတွက် ကျွန်တော်တို့ရဲ့ အကြိုပြင်ဆင်မှုတွေကို စမ်းသပ်ဖို့ အခွင့်အရေးကောင်းတစ်ခု ဖန်တီးပေးခဲ့တယ်" ဟု ပြောသည်။ "ဒါဟာ ကျွန်တော်တို့အသင်းကို တည်ဆောက်ဖို့၊ အထူးသဖြင့် အလားအလာရှိတဲ့ လူငယ်အားကစားသမားတွေကို မြေတောင်မြှောက်ပေးတဲ့နေရာမှာ အရေးပါတဲ့ အဆင့်တစ်ခုပါပဲ" ဟု ၎င်းက ထပ်လောင်းပြောကြားခဲ့သည်။

အလေးမအားကစားနှင့် ကျွမ်းဘားအားကစားနည်းများကလည်း အစဉ်အလာမပျက် ကျင်းပသည့် အားကစားနည်းများတွင် တရုတ်နိုင်ငံ၏ အားသာချက်ကို ပိုမိုပေါ်လွင်ထင်ရှားစေခဲ့သည်။ အမျိုးသမီး ၆၁ ကီလိုတန်းတွင် ယန်လျိုယွဲ့ က ဆွဲမခြင်းနှင့် စုစုပေါင်းအလေးချိန်တို့တွင် ကမ္ဘာ့စံချိန်များကို ချိုးဖျက်နိုင်ခဲ့ပြီး အမျိုးသားကျွမ်းဘားအားကစား အသင်းကလည်း အာရှအားကစားပြိုင်ပွဲတွင် ၁၃ ဆက် ချန်ပီယံဖြစ်ခဲ့သလို အမျိုးသမီးအသင်းကလည်း နိုင်ပွဲဆက်မှုကို ၁၄ ကြိမ်အထိ တိုးမြှင့်နိုင်ခဲ့သည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။

https://english.news.cn/20261004/0d5d63d5f50a41a28f9cf40229426dcf/c.html

..................................

(English Version)

Xinhua Headlines: China's new generation shines at Aichi-Nagoya Asian Games

NAGOYA, Japan, Oct. 4 (Xinhua) -- The Aichi-Nagoya Asian Games came to a close Sunday, with China topping the gold medal table for the 12th consecutive edition, and finishing with 169 gold, 89 silver and 83 bronze medals, its best haul at an overseas Asiad.

Beyond the medal count, the Games offered a glimpse of the next generation of Chinese athletes. Young competitors rose up across a spectrum of sports -- strengthening China's traditional powerhouses, breaking new ground in emerging disciplines and signaling ambitions that extend well beyond Nagoya.

DEPTH ON DISPLAY

China's dominance in its traditional strength events was evident throughout the Games.

Diving once again provided the clearest example. With Lian Junjie winning the men's 10m platform title, China swept all 10 diving gold medals on offer at the Games. Since making its Asiad debut in 1974, China has never missed out on a diving gold medal, and the latest title was the team's 100th diving gold in Asian Games history.

That dominance extended across the water. Chinese swimmers won 30 gold, 13 silver and 11 bronze medals, their best-ever haul at the Games. They also swept all seven relay titles for the first time, while setting five Asian records and 17 Games records.

On the track and field, China continued to turn depth into medals. The team won 17 gold, 14 silver and eight bronze medals, its best show at an Asiad held outside China since Bangkok 1998, to finish atop the athletics medal table.

The momentum also extended to other medal-rich events. China claimed 16 of the overall 28 shooting titles and set five world records.

"The Asiad gave us an opportunity to test our preparations for Los Angeles 2028," said Wang Lian, an official with China's shooting and archery administration. "It was also an important step in developing our team, particularly our promising young athletes."

Weightlifting and gymnastics further underscored China's strength in established events. Yang Liuyue broke world records in the snatch and total in the women's 61kg category, while the men's gymnastics team captured its 13th consecutive Games title and the women's team extended its winning streak to 14 editions.

https://english.news.cn/20261004/0d5d63d5f50a41a28f9cf40229426dcf/c.html

Photo caption 1: Players of China celebrate after winning the men's 3rd place match of Football between China and Uzbekistan at 20th Asian Games Aichi-Nagoya 2026 in Toyota of Aichi Prefecture, Japan, Oct. 3, 2026. (Xinhua/Jia Haocheng)

Photo caption 2: Chen Yuxi of China, gold medalist of the women's 10m platform and women's synchronised 10m platform, poses for photos after diving competition at the 20th Asian Games Aichi-Nagoya 2026 in Tokyo, Japan, Sept. 30, 2026. (Xinhua/Chen Zeguo)