ရီယိုဒီဂျနေးရိုး၊ စက်တင်ဘာ ၇ ရက် (ဆင်ဟွာ)
အက်သလက်တီကိုမက်ဒရစ်အသင်းယခင်တောင်ပံကစားသမား ဆင်မြူရယ်လီနို၏ ဒုတိယပိုင်းသွင်းဂိုးဖြင့် ဖလာမင်ဂိုအသင်းသည် စက်တင်ဘာ ၆ ရက်က ယှဉ်ပြိုင်ခဲ့သည့် ဘရာဇီးစီးရီးအေပွဲစဉ်တွင် ရီမိုအသင်းအား အဝေးကွင်း၌ ၁-၀ ဖြင့် အနိုင်ရရှိကာ ဘရာဇီးစီးရီးအေ အမှတ်ပေးဇယားထိပ်ဆုံးသို့ တက်ရောက်နိုင်ခဲ့သည်။
ပွဲချိန် ၆၅ မိနစ်တွင် လီနို သည် Giorgian de Arrascaeta နှင့် အချိတ်အဆက်ပြုလုပ်မှုတွင် ဘောလုံးကို ခြေဖျားဖြင့် ထိုးကန်ကာ ဂိုးပေါက်အဝေးထောင့်သို့ သွင်းယူပြီး ဂိုးမရှိသရေကျနေမှုကို ဖြိုခွဲနိုင်ခဲ့သည်။
Edson Fernando က ဒိုင်လူကြီးကို မကျေနပ်ကြောင်း ပြင်းပြင်းထန်ထန်ပြောဆိုကန့်ကွက်ခဲ့ရာတွင် တိုက်ရိုက်အနီကတ်ပြအထုတ်ခံခဲ့ရပြီးနောက် အိမ်ရှင်အသင်းသည် ကစားသမား ၁၀ ဦးဖြင့်သာ ကစားခဲ့ရသည်။
ယခုပွဲရလဒ်ကြောင့် ဖလာမင်ဂိုအသင်းသည် ၂၆ ပွဲကစားပြီး ၅၄ မှတ် ရရှိထားကာ လိဂ်ပွဲစဉ် ၁၂ ပွဲ ကစားရန် ကျန်ရှိနေသေးသည့် ဒုတိယနေရာမှပါလ်မီးရက်စ်အသင်းကို ၁ မှတ်အသာဖြင့် အမှတ်ပေးဇယားထိပ်ဆုံးတွင် ရပ်တည်နေသည်။ ရီမိုအသင်းမှာမူ အသင်း ၂၀ ပါဝင်သည့် အမှတ်ပေးဇယားတွင် ၂၃ မှတ်ဖြင့် အဆင့် ၁၉ နေရာ၌ ရောက်ရှိနေပြီး တန်းဆင်းဇုန်မှ လွတ်မြောက်ရန် ၆ မှတ် လိုအပ်နေကြောင်းသိရသည်။
“အပူချိန်နဲ့မိုးရွာနေတဲ့အခြေအနေနဲ့ ကွင်းအနေအထားလည်းခက်ခဲတဲ့ အဝေးကွင်းမှာ အနိုင်ရဖို့ မလွယ်ကူခဲ့ပါဘူး၊ ဒါပေမယ့် ဒီနေ့ ကျွန်တော်တို့ ရဲဘော်ရဲဘက်စိတ်ဓာတ်နဲ့အားမာန်အပြည့်ကစားခဲ့ကြပါတယ်၊ အားလုံး စည်းလုံးညီညွတ်ခဲ့ကြလို့ ပွဲကို အပြောင်းအလဲ ဖြစ်စေခဲ့တာပါ၊ ဂိုးသွင်းယူပြီး အသင်းကိုကူညီပေးနိုင်ခဲ့တဲ့အတွက် ဝမ်းသာပါတယ်” ဟု လီနိုက ပွဲအပြီးတွင် ပြောကြားခဲ့သည်။
စက်တင်ဘာ ၆ ရက် က ယှဉ်ပြိုင်ခဲ့သည့် ဘရာဇီးစီးရီးအေ အခြားပွဲစဉ်များတွင် Chapecoense အသင်းက ကိုရင်သီယန်စ်အသင်းကို အဝေးကွင်းတွင် ၂-၁ ဖြင့် အနိုင်ရခဲ့ပြီး ဘိုတာဖိုဂိုအသင်းနှင့် ပါလ်မီးရက်စ်အသင်းတို့ ဘိုတာဖိုဂိုအိမ်ကွင်းတွင် ၀-၀ ဖြင့် သရေကျခဲ့သည်။ ဆန်းတို့စ်အသင်းက အင်တာနာစီယွန်နယ်အသင်းကို အဝေးကွင်းတွင် ၃-၂ ဖြင့် အနိုင်ရခဲ့ပြီး ခရူဇီယိုအသင်းက အိမ်ကွင်းတွင် Athletico Paranaense အသင်းကို ၃-၁ ဖြင့်အနိုင်ရကာ မီရာဆောလ်အသင်းကလည်း Coritiba အသင်း၏အိမ်ကွင်းတွင် ၂-၁ ဖြင့် အနိုင်ရခဲ့ကြောင်း သိရသည်။ (Xinhua)
…………….
(English Version)
Flamengo beats Remo, goes top of Brazil's Serie A
RIO DE JANEIRO, Sept. 6 (Xinhua) -- Former Atletico Madrid winger Samuel Lino scored in the second half as Flamengo rose to the top of Brazil's Serie A on Sunday with a 1-0 away win over Remo.
Lino broke the deadlock in the 65th minute by combining with Giorgian de Arrascaeta and toe-poking a shot into the far corner.
The hosts finished the match with 10 men after Edson Fernando was shown a straight red card for remonstrating with the referee.
The result leaves Flamengo with 54 points from 26 games, a point ahead of second-placed Palmeiras with 12 matchdays remaining. Remo is 19th in the 20-team standings with 23 points, six points from the safety zone.
"It was a tough win away from home on a difficult pitch in the heat and the rain," Lino said after the match.
"But we played like warriors today. We were united as a group and that made the difference. I'm glad to have been able to help the team by scoring."
Elsewhere in Brazil's Serie A on Sunday, Chapecoense won 2-1 at Corinthians, Botafogo drew 0-0 at home to Palmeiras, Santos edged to a 3-2 win at Internacional, Cruzeiro won 3-1 at home to Athletico Paranaense, and Mirassol prevailed 2-1 at Coritiba.
Photo caption: Samuel Lino (L) of Flamengo jumps for a header during the 2026 Brazilian Serie A 20th round match between Flamengo and Sao Paulo at the Maracana Stadium in Rio de Janeiro, Brazil, July 26, 2026. (Photo by Daniel Ramalho/Xinhua)
