လတ်တလောရက်များတွင် ကိုယ်စားလှယ်အဖွဲ့များ လက်ခံရန် သို့မဟုတ် စေလွှတ်ရန် အစီအစဉ်မရှိ ဟု အီရန် ဆို

တီဟီရန်၊ ဩဂုတ် ၃ ရက် (ဆင်ဟွာ)

အီရန်နှင့် အမေရိကန်အကြား စေ့စပ်ညှိနှိုင်းမှု ပြန်လည်စတင်ခြင်းနှင့် ပတ်သက်၍ အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အစ္စမေး ဘဂါအီက ဩဂုတ် ၃ ရက်တွင် “လတ်တလောရက်များတွင်” ကိုယ်စားလှယ်အဖွဲ့များကို လက်ခံရန် သို့မဟုတ် အီရန်ကိုယ်စားလှယ်အဖွဲ့ကို စေလွှတ်ရန် အစီအစဉ်မရှိကြောင်း၊ အီရန်နိုင်ငံအနေဖြင့် လက်ရှိတွင် အမေရိကန်နိုင်ငံနှင့် မည်သည့်စေ့စပ်ညှိနှိုင်းမှုမျှ ပြုလုပ်ခြင်းမရှိသေးကြောင်း ပြောကြားခဲ့သည်ဟု အီရန်အစ္စလာမ်မစ်သမ္မတနိုင်ငံသတင်းအေဂျင်စီ (IRNA) က ထိုနေ့တွင် သတင်းဖော်ပြခဲ့သည်။

လက်ရှိ ညှိနှိုင်းဆွေးနွေးမှုအားလုံးသည် ဟော်မုဇ်ရေလက်ကြားတွင် သင်္ဘောများ ဘေးကင်းစွာ ဖြတ်သန်းသွားလာနိုင်ရေးနှင့် ပတ်သက်၍ အိုမန်နိုင်ငံနှင့် ပြုလုပ်သော နှစ်နိုင်ငံ ဆွေးနွေးမှုများတွင်  အဓိကစုဝေးနေကြောင်း၊ အီရန်နိုင်ငံသည် အိုမန်နိုင်ငံနှင့် ပူးပေါင်းဆောင်ရွက်ကာ ယာယီရေကြောင်းလမ်းကြောင်းတစ်ခုကို အမြန်ဆုံး အတည်ပြုရန်၊ ဟော်မုဇ်ရေလက်ကြား ရေကြောင်းပို့ဆောင်ရေး ဘေးကင်းလုံခြုံမှု သေချာစေရန် ကြိုးပမ်းလျက်ရှိကြောင်း ပြောကြားခဲ့သည်။

သက်ဆိုင်ရာ အီရန်-အမေရိကန်နှင့်စပ်လျဉ်းသည့် ကိစ္စရပ်များတွင် အီရန်ဘက်က “အခြေအနေ၏ နောက်ဆက်တွဲ ဖြစ်ပေါ်တိုးတက်မှုများကို စောင့်ကြည့်သွားမည်” ဟုလည်း ဘဂါအီက ပြောကြားခဲ့သည်။ အမေရိကန်၏ ဆိုးရွားသော လုပ်ရပ်များနှင့် ပင်လယ်ပြင် ပိတ်ဆို့မှုများ ဆက်လက်တည်ရှိနေသရွေ့ ဟော်မုဇ်ရေလက်ကြားအခြေအနေသည် ပြောင်းလဲမှုရှိမည်မဟုတ်ဟု ၎င်းက ပြောကြားခဲ့သည်။

အမေရိကန် သမ္မတ ထရမ့်က အမေရိကန်အရှေ့ပိုင်းစံတော်ချိန် ဩဂုတ် ၂ ရက်တွင် အမေရိကန်သည် နောက်တစ်နေ့တွင် အီရန်နှင့် စေ့စပ်ညှိနှိုင်းမှုများ ပြုလုပ်သွားမည်ဟု ပြောကြားခဲ့သည်။ (Xinhua)

......................................

(Chinese Version)

伊朗：近日无接待或派遣代表团的计划

新华社德黑兰8月3日电 据伊朗伊斯兰共和国通讯社3日报道，就伊朗与美国重启谈判一事，伊朗外交部发言人巴加埃当日表示，“这些天”没有接待代表团或派遣伊朗代表团的计划，伊朗目前未与美国进行任何谈判。  

巴加埃说，当前所有磋商均集中在与阿曼就霍尔木兹海峡安全通航事宜开展的双边对话。伊方正努力与阿曼合作以尽快确定一条临时航道，确保霍尔木兹海峡的航运安全。  

巴加埃还说，有关伊美间的问题，伊方“将观察局势的后续发展”。只要美国的恶行与海上封锁还在继续，霍尔木兹海峡局势就不会发生改变。  

美国总统特朗普于美国东部时间2日称，美国将于次日和伊朗进行谈判。（完）

图说：7月27日，在伊朗首都德黑兰，伊朗外交部发言人巴加埃出席新闻发布会。新华社记者 沙达提 摄