တိုကျို၊ အောက်တိုဘာ ၁၅ ရက် (ဆင်ဟွာ)
ဂျပန်ပြည်သူများသည် အောက်တိုဘာ ၁၄ ရက် ညပိုင်းတွင် ဂျပန်နိုင်ငံဆိုင်ရာအမေရိကန်သံရုံး အနီး၌စုဝေးကာ မကြာသေးမီရက်ပိုင်းက ဖြစ်ပွားခဲ့သော ဂျပန်အခြေစိုက် အမေရိကန်စစ်သားက အိုကီနာဝါစီရင်စုမှ အမျိုးသမီးတစ်ဦးအား လုယတ်သတ်ဖြတ်ခဲ့မှုဖြင့် စွပ်စွဲခံရသည့် အမှုကို ဆန့်ကျင်ဆန္ဒပြခဲ့ပြီး မကြာမီကျင်းပတော့မည့် ဂျပန်-အမေရိကန် ပူးတွဲစစ်ရေးလေ့ကျင့်မှုကို ကန့်ကွက်ခဲ့ကြသည်။
အဆိုပါစုဝေးပွဲ၌ ဆန္ဒပြသူများက “အိုကီနာဝါမှ အမေရိကန်စစ်တပ်စခန်း ထွက်သွား” ၊ “အမေရိကန်စစ်တပ် လူမသတ်နဲ့တော့” စသည့် ဆောင်ပုဒ်များ ကြွေးကြော်နေကြသည်ကို သတင်းထောက်က တွေ့မြင်ခဲ့ရသည်။ ဂျပန်နိုင်ငံရဲတပ်ဖွဲ့မှ ရဲကားများစွာ ရောက်ရှိလာပြီး ရဲအင်အားဖြန့်ကြက်ကာ အခြေအနေကိုထိန်းသိမ်းခဲ့ရာ ဆန္ဒပြသူများနှင့် ပဋိပက္ခများ ဖြစ်ပွားခဲ့သည်။
ဆန္ဒပြသူ Ishiyama က အဆိုပါဖြစ်စဉ်သည် ထိတ်လန့်တုန်လှုပ်ဖွယ်ဖြစ်ကြောင်း၊ ဂျပန်နိုင်ငံသည် အိုကီနာဝါစီရင်စု၌ စစ်တပ်စခန်း ဟူသော ဝန်ထုပ်ဝန်ပိုးကိုအတင်းအဓမ္မထားရှိရာ “ဂျပန်နိုင်ငံအား ကာကွယ်စောင့်ရှောက်ခြင်း” ဟူသည့် အမည်ခံအောက်တွင် အိုကီနာဝါစီရင်စု ပြည်သူများသည် စတေးခံရသည့် နယ်ရုပ်များ ဖြစ်လာကြောင်း ဆင်ဟွာသတင်းထောက်ကို ပြောကြားခဲ့သည်။
အခြားဆန္ဒပြသူတစ်ဦး Matsumoto က အမေရိကန်စစ်သားများ အိုကီနာဝါစီရင်စု၌ ဆက်လက် အခြေစိုက်နေသရွေ့ အလားတူအမှုများ ဖြစ်ပွားဦးမည်ဖြစ်ကြောင်း ဆိုခဲ့သည်။
အမေရိကန်စစ်တပ်က အဆိုပါဖြစ်စဉ် ဖြစ်ပွားပြီးနောက် ပုံမှန်တာဝန်ထမ်းဆောင်မှုကို ၂ ရက်ကြာ ရပ်တန့်ခြင်း၊ ရက်ပေါင်း ၃၀ ညအပြင်မထွက်ရန်ကန့်သတ်ခြင်း စသည့် အစီအမံများကို လုပ်ဆောင်ခဲ့ရာ ယင်းသည် မကြာမီကျင်းပမည့် စစ်ရေးလေ့ကျင့်မှုအပေါ် သက်ရောက်မှုဖြစ်ခြင်းအား ရှောင်ကြဉ်ရန် ဖြစ်နိုင်ပြီး “အလားတူအမှုများ ထပ်မံဖြစ်ပွားမှုကို ကြိုတင်ကာကွယ်ရေးအတွက် အစစ်အမှန် ရည်ရွယ်ခြင်းမဟုတ်ပေ”။
အောက်တိုဘာ ၄ ရက်တွင် အိုကီနာဝါစီရင်စု ရဲတပ်ဖွဲ့က အမေရိကန်စစ်တပ် Futenma စခန်းလက်အောက်ရှိ မရိန်းတပ်ဖွဲ့ဝင် Devin Ballard ကို ဖမ်းဆီးခဲ့သည်။ ၎င်းသည် အောက်တိုဘာ ၃ ရက် နံနက်ပိုင်းက အိုကီနာဝါစီရင်စု နာဟာမြို့ ဟိုတယ်တစ်ခုတွင် ဂျပန်အမျိုးသမီးတစ်ဦးအား သတ်ဖြတ်၍ ပိုက်ဆံအိတ် စသည့်ပစ္စည်းများအား လုယူသွားကြောင်း သံသယရှိသည်ဟု စွပ်စွဲခံထားရသည်။
အိုကီနာဝါစီရင်စု လွှတ်တော်က အောက်တိုဘာ ၉ ရက်တွင် ဆန့်ကျင်ကန့်ကွက်ကြောင်း ဆုံးဖြတ်ချက်နှင့် အကြံပြုလွှာကို အတည်ပြုခဲ့ပြီး အလားတူအမှုများ ထပ်မံဖြစ်ပွားခြင်းအား ကာကွယ်ရန် ထိရောက်သော အစီအမံများ လုပ်ဆောင်၍ ဂျပန်-အမေရိကန် အနေအထား သဘောတူညီချက်အား အရင်းခံမှပြင်ဆင်ရန် တောင်းဆိုခဲ့သည်။
လူသတ်မှုကြောင့် ပြင်းပြင်းထန်ထန် ဆန့်ကျင်ဆန္ဒပြမှုများ ဖြစ်ပေါ်နေသည့်ကြားမှပင် ဂျပန်နှင့် အမေရိကန်တို့သည် အောက်တိုဘာ ၁၉ ရက်မှ ၂၉ ရက်အထိ Keen Sword ပူးတွဲစစ်ရေးလေ့ကျင့်မှုပြုလုပ်ရန် စီစဉ်ထားဆဲဖြစ်သည်။ ဂျပန်ကိုယ်ပိုင်ကာကွယ်ရေးတပ်ဖွဲ့ ပူးတွဲစစ်ဦးစီးချုပ် Hiroaki Uchikura က လက်ရှိတွင် စစ်ရေးလေ့ကျင့်မှု၌ ပါဝင်သည့် တပ်ဖွဲ့အမျိုးအစား၊ လေ့ကျင့်မှုပမာဏနှင့် လေ့ကျင့်မှုနေရာကို ပြောင်းလဲရန် မစဉ်းစားထားသလို အမေရိကန် မရိန်းတပ်ဖွဲ့ဝင်များ ပါဝင်မှုကို ပယ်ဖျက်ရန်လည်း အစီအစဉ်မရှိကြောင်း အောက်တိုဘာ ၉ ရက်တွင် ပြောကြားခဲ့သည်။ (Xinhua)
---------------------
(Chinese Version)
日本民众集会抗议驻日美军暴力犯罪
新华社东京10月14日电（记者梁晨 李林欣）日本民众14日晚在东京的美国驻日本大使馆附近举行集会，抗议近日发生的驻日美军士兵涉嫌抢劫杀害冲绳女性案件，并反对即将举行的日美联合军演。
记者在现场看到，抗议者高呼“美军基地撤出冲绳”“美军别再杀人”等口号。日本警方出动多辆警车，部署警力维持秩序，其间与抗议者发生推搡。
抗议者石山在接受记者采访时说，这起事件骇人听闻。日本长期把基地负担强加给冲绳，在所谓“保卫日本”的名义下，冲绳民众成为可以被舍弃的棋子。
另一位抗议者松本表示，只要美军士兵继续驻留冲绳，类似案件就还会发生。美军在事件发生后采取暂停日常勤务两天、实施30天夜间外出限制等措施，可能是为避免影响即将举行的军演，“并非真正着眼于防止类似案件再次发生”。
本月4日，冲绳县警方逮捕隶属美军普天间基地的海军陆战队员德文·巴拉德。他涉嫌于3日凌晨在冲绳县那霸市一家酒店杀害一名当地女性，并抢走钱包等物品。冲绳县议会9日通过抗议决议和意见书，要求采取有效措施防止类似案件发生，并从根本上修订日美地位协定。
尽管命案引发强烈抗议，日美仍计划于19日至29日举行“利剑27”联合演习。日本统合幕僚长内仓浩昭9日表示，目前不考虑改变参演军种、演习规模和训练地点，也不考虑取消美国海军陆战队参加。（完）
图说：10月14日，民众手持标语在位于日本东京的美国驻日本大使馆外参加抗议活动。新华社记者 贾浩成 摄
