ရန်ကုန်၊ စက်တင်ဘာ ၂၆ ရက် (ဆင်ဟွာ)
တရုတ်နိုင်ငံထုတ် လျှပ်စစ်မော်တော်ယာဉ် (EV) များသည် မြန်မာနိုင်ငံတွင် စျေးကွက်ပိုမိုရရှိလာကာ နည်းပညာမြင့် စမတ်လုပ်ဆောင်ချက်များနှင့် ယှဉ်ပြိုင်နိုင်သည့် ဈေးနှုန်းများကြောင့် ပြည်တွင်းသုံးစွဲသူများအကြား စိတ်ဝင်စားမှု မြင့်တက်လာသည်။
တစ်ချိန်တည်းတွင် တရုတ်မော်တော်ယာဉ်ထုတ်လုပ်သူများနှင့် မြန်မာနိုင်ငံရှိ ပြည်တွင်းစီးပွားရေးလုပ်ငန်းများအကြား ပူးပေါင်းဆောင်ရွက်မှုများလည်း တိုးချဲ့လာပြီး ပြည်တွင်း၌ မော်တော်ယာဉ်များ တပ်ဆင်ထုတ်လုပ်ခြင်းနှင့် ရောင်းချပြီးနောက် ဝန်ဆောင်မှုပေးခြင်းများအထိ ဆောင်ရွက်လာကြသည်။
စက်တင်ဘာ ၂၆ ရက်မှ ၂၇ ရက်ထိ YCC တွင်ပြုလုပ်နေသည့် ၂၀၂၆ ခုနှစ် မြန်မာ့မော်တော်ယာဉ်နှင့် အပိုပစ္စည်းပြပွဲတွင် တရုတ်နိုင်ငံထုတ် EV ကားမော်ဒယ်များကို ထင်ရှားစွာ ပါဝင်ပြသထားပြီး ပြည်တွင်းလာရောက်ကြည့်ရှုသူများနှင့် မော်တော်ယာဉ်လုပ်ငန်းနယ်ပယ်မှ ပညာရှင်များ၏ အာရုံစိုက်မှုကို ရရှိခဲ့သည်။
ထုတ်ကုန်များ၏ ယှဉ်ပြိုင်နိုင်စွမ်းအပြင် တရုတ်မော်တော်ယာဉ်လုပ်ငန်းများနှင့် မြန်မာနိုင်ငံ ပြည်တွင်းစီးပွားရေးလုပ်ငန်းများအကြား စက်မှုလုပ်ငန်းဆိုင်ရာ ပူးပေါင်းဆောင်ရွက်မှုများလည်း ပိုမိုနက်ရှိုင်းလာနေပြီဖြစ်သည်။
ဒုတိယအကြိမ် မြန်မာ့မော်တော်ယာဉ်နှင့် အပိုပစ္စည်းပြပွဲတွင် နိုင်ငံ ၇ နိုင်ငံမှ ကုမ္ပဏီ ၅၂ ခုနှင့် အသင်းအဖွဲ့ ၆ ခု ပါဝင်ပြသလျက်ရှိသည်။
အဆိုပါပြပွဲတွင် လျှပ်စစ်မော်တော်ယာဉ်များ၊ ရိုးရိုးမော်တော်ယာဉ်များ၊ လျှပ်စစ်ကားအားသွင်းစက်များ၊ မော်တော်ယာဉ်အပိုပစ္စည်းများနှင့် မော်တော်ယာဉ်ပြုပြင်ရေးပစ္စည်းများကို ပြသထားကြောင်း သိရသည်။ (Xinhua)
